პარლამენტის თავმჯდომარის ინფორმაციით, მას პაატა ბურჭულაძესთან არანაირი პოლიტიკური სახის კონსულტაცია არ ჰქონია.

თუმცა ადასტურებს ინფორმაციას, რომ რამდენიმე თვის წინ ბურჭულაძის ოფისს ესტუმრა. უსუფაშვილის თქმით, შეხვედრაზე ბურჭულაძეს ჰუმანიტარულ საკითხებზე ესაუბრა.

„მას ჰქონდა საინტერესო მოსაზრება იმის თაობაზე, რომ როგორ შეიძლება სახელმწიფო სხვადასხვა კონფლიქტებში დაზარალებულ ხალხს დაეხმაროს. მასთან სხვა რაიმე საუბარი არ მქონია და მას ჩემთან არ ჰქონია. დანარჩენს მომავალი გვიჩვენებს - არჩევნები ახლოვდება და ეს ამ ყველაფერზე მიანიშნებს მხოლოდ", - განაცხადა უსუფაშვილმა.