პარლამენტის თავმჯდომარე დავით უსუფაშვილი უშიშროების საბჭოს სხდომას დაესწრება.

ამის შესახებ უსუფაშვილმა ჟურნალისტებთან საუბრისას განაცხადა.

მისი თქმით, "უშიშროების საბჭოს შესახებ" შეტანილი ცვლილების თანახმად პარლამენტის თავმჯდომარე უშიშროების საბჭოს წევრია და იგი ვალდებული სხდომას დაესწროს.

დავით უსუფაშვილი მიიჩნევს, რომ კონსტიტუციური წესრიგი ყველამ უნდა დაიცვას.

„კონსტიტუციური წესრიგი და კონსტიტუცია არის დასაცავი, კონსტიტუციური უფლებამოსილებები ამა თუ იმ პირების მიერ არის შესასრულებელი და ყველა ვცდილობთ, ეს გავაკეთოთ. "უშიშროების საბჭოს შესახებ" კანონში ბოლო ცვლილებებით პარლამენტის თავმჯდომარეს უფლება ჰქონდა უშიშროების საბჭოს თავისი შეხედულებისამებრ დასწრებოდა. ახალი ცვლილებებით პარლამენტის თავმჯდომარე უშიშროების საბჭოს წევრია. უშიშროების საბჭოს მოწვევის საკითხს პრეზიდენტი წყვეტს. ამიტომ როდესაც იგი ასეთი საბჭოს მოწვევას გადაწყვეტს, თუ გადაუდებელი საქმე არ მექნება, საბჭოს უნდა დავესწრო და ასეც მოვიქცევი", - განაცხადა უსუფაშვილმა.