,,საზოგადოების სიმპათიების პოლიტიკაში კაპიტალიზაციას პრაქტიკული პოლიტიკური ნაბიჯები სჭირდება“

,,საზოგადოების სიმპათიების პოლიტიკაში კაპიტალიზაციას პრაქტიკული პოლიტიკური ნაბიჯები სჭირდება“ - ბაჩუკი ქადავა

პოლიტიკა - 14:48, 20 Nov, 2015

1420

რამდენად შეძლებს ბურჭულაძე პოლიტიკაში მხარდაჭერის მოპოვებას - ,,ნიუპოსტის“ ამ კითხვაზე ედპ-ს ლიდერი ბაჩუკი ქარდავა ამბობს: ,,ნებისმიერი ეროვნული, დემოკრატიულ დასავლეთზე ორიენტირებული პოლიტიკური ძალების გაჩენას ან არსებულის კიდევ უფრო გაძლიერებას მხოლოდ მივესალმები, რაც შეეხება კონკრეტულად ბატონ პაატა ბურჭულაძის პოლიტიკაში ჩართვას ან თუ რა პოზიციებს დაიკავებს დღევანდლ პოლიტიკურ ლანდშაფტში, ამაზე საუბარი ჯერ-ჯერობით გამიჭირდება. ბურჭულაძეს პიროვნული ავტორიტეტი და მის პოლიტიკის მიღმა საქმიანობა მის მიმართ საზოგადოებას მხოლოდ სიმპატიებით განაწყობს, მაგრამ ამის პოლიტიკაში კაპიტალიზაცია და პოლიტიკურ რეიტინგში გადაზრდა მხოლოდ და მხოლოდ პრაქტიკული პოლიტიკური ნაბიჯების შემდეგ გამოჩნდება. ფაქტია, დღეს არც ხელისუფლება და არც საპარლამენტო თუ არასაპარლამენტო ოპოზიცია გადამწყვეტ უპირატესობას არ ფლობს, ისიც სახეზეა, რომ მოსახლეობის საკმაოდ სოლიდური ნაწილი გაურკვევლობაშია და ეს შანს აძლევს ბევრს, ქვეყნისთვის პოზიტიური ნაბიჯების შემთხვევაში მიიპყროს ამომრჩევლის სოლიდური ნაწილი, თუმცა ეს საბოლოოდ 2016 წელს გამოჩნდება“ - აცხადებს ქარდავა.

ედპ-ს ლიდერი თვლის, რომ საზოგადოების მხარდაჭერა ექნება იმ ძალას, რომელიც ნაცვლად დაპირისპირებისა, კონსტრუქციულ თანამშრომლობაზე იქნება ორიენტირებული, თუმცა, ქარდავას თქმით - მაქსიმალური პრინციპულობის პირობებში.

,,ხალხი თავს მოტყუებულად თვლის და ითხოვს ცვლილებებს, ისინი მიემხრობიან უფრო მეტად გახსნილ, პირველ რიგში, ცვლილებებზე ორიენტირებულ ძალას, რომელიც არა დაპირისპირებაზე არამედ პოლიტიკურ ძალებს შორის კონსტრუქციულ თანამშრომლობაზე იქნება ორიენტირებული, თუმცა მაქსიმალური პრინციპულობის პირობებში. ვნახოთ, რამდენად მოახერხებს ბურჭულაძის ფონდი ან ასეთი ძალებისთვის ხელშეწყობას ან ასეთ პოლიტიკურ ძალად თვითონ გარდაქმნას. ჯერ ბავშვი არ დაბადებულა და ჩვენ უკვე მასზე ვსაუბრობთ. ალბათ ცოტა უნდა მოვიცადოთ და ვარჩევდი პროგნოზებისგან თავის შეკავებას, მით უფრო 2016 წლის არჩევნებამდე ცოტა დროა დარჩენილი და ალბათ, ბევრი პოლიტიკური აქტივობები იქნება“ - აცხადებს ქარდავა.