არ შეიძლება ამ ადამიანებს სახლიდან "ბანკებით" მოჰქონდეთ საკვები

არ შეიძლება ამ ადამიანებს სახლიდან "ბანკებით" მოჰქონდეთ საკვები - ქუცნაშვილი შსს-ს სარესტორნო ხარჯებზე

პოლიტიკა - 14:45, 20 Nov, 2015

4733

სახელმწიფო აუდიტის სამსახურის მიერ შსს-ს 2013-2015 წლების ფინანსურ ანგარიშზე, რომლის მიხედვითაც 2013-14 წლებში უწყების მიერ წარმომადგენლობითი ხარჯების ნაწილში 2 მილიონ ლარზე მეტია დახარჯული, უმრავლესობის წევრს ზაქარია ქუცნაშვილს შეფასების გაკეთება უჭირს.
"ამ ინფორმაციას არ ვფლობ, მე შემიძლია გითხრათ, რომ არ არსებობს საბიუჯეტო კოდექსში ასეთი მუხლი, რომელიც დასახელებული იქნება "სარესტორნო ხარჯად", არსებობს წარმომადგენლობითი ხარჯების მუხლი, თუ ეს იგულისხმება ამ ანგარიშში მოგეხსენებათ, რომ შს სამინისტროს ყავს სპეციალური დანაყოფები, რომლებიც დღედაღამ ცხოვრობენ შს სამინისტროს დაწესებულებაში, მათ სჭირდებათ კვებითი უზრუნველყოფა. მიმაჩნია რომ სპეციალური რაზმის დანაყოფის წარმომადგენლები ყველა ვარიანტში უნდა გამოვკვებოთ, არ შეიძლება ამ ადამიანებს "ბანკით", სახლიდან მოჰქონდეთ საკვები"- აღნიშნა ჩვენთან საუბრისას "ქართული ოცნების" ერთ-ერთმა წევრმა.

"ნიუპოსტის" კითხვაზე, შს სამინისტრო სპეცდანიშნულების რაზმის წევრებს რესტორანში კვებავს? დეპუტატმა აღნიშნა, რომ აუდიტის ინფორმაციას არ იცნობს.
რაც შეეხება სახელფასო დანამატების სკანდალს, ზაქარია ქუცნაშვილი აცხადებს, რომ ,,დაბალი რანგის მოხელეებს პრემიის მოლოდინი უნდა ჰქონდეთ, მაღალი თანამდებობის პირებს - არა“
"მომხრე ვარ თვისობრივად გადავხედოთ პრემიისა და დანამატების მიღბის წესს. ფულადი ჯილდოს წელიწადის დროების მიხედვით გაცემა მიუღებელია. ეს ჯილდო დამსახურებას უნდა იყოს მიბმული და არა წელიწადის დროებს"- აღნიშნა "ნიუპოსტთან" ქუცნაშვილმა.
სახელმწიფო აუდიტის სამსახურიის ანგარიშის მიხედვით, 2013-2014 წლებში შს სამინისტროს მიერ წარმომადგენლობითი ხარჯების ნაწილში დახარჯულია 2 მილიონ ლარზე მეტი.