იუსტიციის სამინისტროში საპროკურორო საბჭოს სხდომა მიმდინარეობს, სადაც თეა წულუკიანის მიერ წარდგენილი მთავარი პროკურორობის სამი კანდიდატურიდან ერთი შერჩევა მოხდება.

სხდომაზე საბჭოს წევრები თითოეულ კანდიდატს გაესაუბრებიან და მოისმენენ მათ გეგმავს პროკურატურის მომავალ მუშაობასთან დაკავშირებით. თავდაპირველად საპროკურორო საბჭოს წევრები ვლადიმერ გაბრიჩიძეს გაესაუბრებიან.

„ყველაზე მეტად მაინტერესებს მათი ხედვა, როგორ აპირებს თითოეული მათგანი პროკურატურის რეფორმირების პროცესში საკუთარი ახალი ხედვა განავითაროს, რა სტრატეგოა აქვს და რა სიახლე შეიზლება შესთავაზოს პარლამენტს. ეს კითხვები მექნება და მიღებული პასუხი იქნება ალბათ განმსაზღვრელი, თუ რა გადაწყვეტილებას მივიღებ“, - განაცხადა ეკა ბესელიამ, რომელიც საპროკურორო საბჭოს წევრია.

საპროკურორო საბჭოს სხდომა მედიისთვის 13:00 საათზე დაიწყება. სწორედ ამ დროის დაიწყება კენჭისყრა. იუსტიციის მინისტრის მიერ წარდგენილი სამი კანდიდატიდან ერთს საბჭოს წევრები ფარული კენჭისყრით ხმათა 2/3-ით დაამტკიცებენ. მთავარი პროკურორობის კანდიდატები არიან: ვლადიმერ გაბრიჩიძე, ნანა რევაზიშვილი და ირაკლი შოთაძე.