დევნილთა მინისტრი სახელფასო დანამატების გაცემასთან დაკავშირებით აუდიტის სამსახურის მიერ გავრცელებულ ინფორმაციას ეხმაურება.

სოზარ სუბარის თქმით, მის უწყებაში სახელფასო დანამატების გაცემა არა თუ გაიზარდა, არამედ შემცირდა.

"ჩვენთან არანაირი ზრდა არ მომხდარა. პირიქით, ერთგვარი შემცირებაც არის. სგავსი არაფერი მითქვამს, რომ თითქოს გაზრდა იგეგმება, პირიქით, უბრალოდ რამდენიმე წელია საერთაშორისო და ქართული არასამთავრობო ორგანიზაციები აყენებენ ინიციატივას, რომ დევნილთა შემწეობები იყოს ფოკუსირებული საჭიროებების მიხედვით და არ იყოს დამოკიდებული სტატუსზე ანუ დახმარება მიეცეთ იმათ, ვისაც ყველაზე მეტად ჭირდება და არა ყველას, განურჩევლად იმისა, ვინ მილიონერია და ვინ ღარიბი", - ამბობს სუბარი.