ლანჩხუთში "ნაციონალების" ოფისის ერთ ერთი "შემდუღებელი" დააწინაურეს

პოლიტიკა - 00:23, 18 Nov, 2015

2859

"ერთიანი ნაციონალური მოძრაობის" ლანჩხუთის ოფისზე მომხდარი თავდასხმის მონაწილე, სოფო ორაგველიძე, ლანჩხუთის მუნიციპალური გამგეობის ინფრასტრუქტურის სამსახურის მთავარი სპეციალისტი გახდა. ამის შესახებ "გურიის მოამბეს" ლანჩხუთის მუნიციპალური გამგეობიდან აცნობეს. სოფო ორაგველიძე აქტიურად მონაწილეობდა 19 ოქტომბერს, "ერთიანი ნაციონალური მოძრაობის" ლანჩხუთის ოფისზე მომხდარ თავდასხმაში, რომლის დროსაც თავდამსხმელებმა ოფისის კარები სპეც ტექნიკით ჯერ შეადუღაბეს, შემდეგ კი აჭედეს. სოფიკო ორაგველიძე არის პროფესიით გერმანული ენის სპეციალისტი, დამთავრებული აქვს ბათუმის შოთა რუსთაველის სახელობის სახელმწიფო უნივერსიტეტი. მუშაობდა შუხუთის საჯარო სკოლაში, კლასის დამრიგებლად, ასევე გამგეობის განათლებისა და კულტურის განყოფილების მთავარ სპეციალისტად, სპორტისა და ახალგაზრდულ საქმეთა განყოფილების მთავარი სპეციალისტად, სპორტისა და ახალგაზრდულ საქმეთა განყოფილების უფროსად. ფლობს როგორც მშობლიურ, ასევე უცხო ენას (გერმანულს), ასევე დამთავრებული აქვს კომპიუტერული ცენტრის შემსწავლელი კურსები. მან წარმატებით ჩააბარა საჯარო მოხელის შესარჩევი კონკურსი და გასაუბრებაც გაიარა. ახლანდელ თანამმდებობაზე დაინიშნა მიმდინარე წლის 13 ნოემბერს,- აცხადებენ ლანჩხუთის მუნიციპალიტეტის პრესსამსახურში.