საკრებულოს უმრავლესობის დეპუტატი რიმა ბერიძე ემიჯნება თბილისის მერის დამოკიდებულებას, რომ ოპოზიციასთან მას სალაპარაკო არაფერი არ აქვს.

ამის შესახებ ბერიძემ გადაცემა „არჩევანში“ განაცხადა.

როგორც დეპუტატი ამბობს, ის მზად არის ყველა შეკითხვას ობიექტური პასუხი გასცეს.

„ამ განცხადებაზე თავს შევიკავებ. თუმცა მე გამოვხატე მზაობა იმასთან დაკავშირებით, რომ მოვსულიყავი ჩემს კოლეგებთან ერთად და რაც არ უნდა მწვავე შეკითხვები იყოს მზად ვარ გავცე მათ ობიექტური პასუხები. მე გამოვხატე ჩემი დამოკიდებულება, დავმდგარიყავი ჩემს კოლეგებთან და გვემუშავა იმ საკითხებთან დაკავშირებით, რასაც ჰქვია ქალაქის ბიუჯეტი“, - აღნიშნა ბერიძემ.

შეგახსენებთ, რამდენიმე დღის წინ თბილისის მერმა დავით ნარმანიამ განაცხადა, რომ ოპოზიციასთან სალაპარაკო არაფერი აქვს. ნარმანიამ ეს განცხადება მას შემდეგ გააკეთა, რაც ოპოზიციამ ის საკრებულოში 2016 წლის თბილისის ბიუჯეტზე სასაუბროდ დაიბარა.