თავს ვერაფერს აბამს, რაღაც აჯაფსანდალი ბიუჯეტი გამოგვიგზავნა

თავს ვერაფერს აბამს, რაღაც აჯაფსანდალი ბიუჯეტი გამოგვიგზავნა - ელისაშვილი ნარმანიაზე

პოლიტიკა - 23:30, 17 Nov, 2015

1505

საკრებულოს დამოუკიდებელი დეპუტატი ალეკო ელისაშვილი თბილისის მერს საკუთარ მოვალეობებს ახსენებს და ამბობს, რომ დავით ნარმანია საკრებულოს წინაშე ანგარიშვალდებულია.

როგორც გადაცემა „არჩევანში“ ელისაშვილმა დავით ნარმანიას საქმიანობა გააკრიტიკა და ოპოზიციის მიმართ დამოკიდებულება დაუწუნა.

როგორც ელისაშვილი ამბობს, თბილისის მერს საკრებულოს დეპუტატების მიმართ არასწორი დამოკიდებულება აქვს.

„ნარმანიას გასაგონად მინდა ვთქვა, რომ საკრებულოში ჩემი ნებით კი არ შევედიი, მე საბურთალოს ამომრჩეველმა დამიჭირა მხარი. კანონში წერია, რომ არჩეული დეპუტატის წინაშე, ის ვაჟბატონი, დავით ნარმანიაც ანგარიშვალდებულია. კეთილი ინებოს და ჩამოყალიბდეს, ფრაზეოლოგია შეარჩიოს. საქმეს რომ თავს ვერ აბავს გასაგებია, მაგრამ რა ლექსიკაა. ამომრჩეველმა დამიჭირეს მხარი, თორემ დედიკომ კი არ მიმიყვანა საკრებულოში. საკრებულოში მოსვლა კანონით ევალება მერიის ყველა თანამშრომელს. რა დამოკიდებულებაა ნარმანიას მხრიდან, არ მესმის. პირადი საქმის გარჩევა კი არ მინდა. ხელფასს რომ იღებს და თავს ვერაფერს აბამს, აბდაუბდა ბიუჯეტს გვიგზავნის, ამაზე რა უნდა ვთქვათ. გამოგზავნეს რაღაც აჯაფსანდალი, რა პრიორიტეტებია, სად იზრდება დაფინანასება და სად არა, ვერ გაიგებ... 19 მილიონი წერია ავარიული კორპუსების გამაგრებისთვის. 2 ათასი ავარიული შენობაა და ამ ბიუჯეტით რომ გავყვეთ 52 წელი უნდა გავიდეს, რომ ამ ბიუჯეტით ავარიული შენობები გავამაგროთ“, - ამბობს ელისაშვილი.

თბილისის მერის დავით ნარმანია დედაქალაქის 2016 წლის ბიუჯეტთან დაკავშირშირებით ოპოზიციის შენიშვნებს არ იზიარებს.

რამდენიმე დღის წინ ნარმანიამ განაცხადა, რომ მისთვის საინტერესო არ არის, რას ამბობს ოპოზიცია.