გადაცემა „არჩევანში“ დეპუტატებმა მიხეილ მაჭავარიანმა და ზაქარია ქუცნაშვილმა ერთმანეთს წარსული შეახსენეს.

უმრავლესობის წევრმა ზაქარია ქუცნაშვილმა მაჭავარიანს ედუარდ შევარდნაძის მთავრობის წევრობის პერიოდი შეახსენა და მას „40 ლარიანი მინისტრი უწოდა“.

„40 ლარიანი მინისტრი ნუ მელაპარაკები. ზუსტად 40 ლარიანი მინისტრი იყავი კორუმპირებულ სახელმწიფოსი“, - განაცხადა ქუცნაშვილმა.

საპასუხოდ მაჭავარიანმა ქუცნაშვილს ასლან აბაშიძის მთავრობაში ყოფნა გაახსენა.

„შულის ძარღვი არ გაქვთ. მე არ ვიყავი 40 ლარიანი მინისტრი, 1000 ლარი მქონდა ხელფასი. კოპუმპირებული იყავით თქვენ და ასლან აბაშიძესაც თქვენ ემსახურებოდით. შევარდნაძისგან მე რომ წამოვედი თქვენ შევარდით ბლოკში“, - განაცხადა მაჭავარიანმა.