ბიუჯეტისთვის ნებაყოფლობით შემოწირული 72 მილიონი. ფინანსთა სამინისტრო არ ასაჯაროვებს იმ კომპანიების და პირთა ვინაობას, რომლებმაც სხვა და სხვა პროექტის დასაფინანსებლად სახელმწიფო ხაზინაში დიდი რაოდენობით თანხა გადარიცხეს.

თამაზ მეჭიაურის ინფორმაციით, ბიუჯეტში ნებაყოფლობითი შემოწირულობის სახით თანხის უმეტესი ნაწილი ბიძინა ივანიშვილმა გადარიცხა. საფინანსო-საბიუჯეტო კომიტეტის თავმჯდომარე, რომელიც, მისივე თქმით, ფინანსთა სამინისტროს მონაცემებს ეყრდნობა, ბიუჯეტში 72 მილიონ ლარზე მეტის ნებაყოფლობით თანხის შეტანას ადასტურებს.

72 მილიონის ნებაყოფლობითი შემოწირულობის შესახებ ოფიციალური ინფორმაცია ხადურის უწყებიდანბათუმელებმა გამოითხოვა. გამოცემამ კითხვებზე, თუ ვინ არიან ფიზიკური და იურიდიული პირები, ვინც სახელმწიფო ბიუჯეტში თანხას ნებაყოფლობით რიცხავენ, პასუხები ვერ მიიღო.

უმცირესობის წევრები ბიუჯეტში ნებაყოფლობით შემოწირულობას "ბიზნესის ხელოვნურ ტერორს" უწოდებენ.

ნაციონალურ მოძრაობაში აცახდებენ, რომ ხელისუფლება ამ მეთოდს ბიუჯეტის შევსებისთვის იყენებს.

საპარლამენტო ოპოზიცია მთავრობისგან ნებაყოფლობით შემომწირველებზე განმარტებებს ელოდება.

უმცირესობის კითხვების საპასუხოდ უმრავლესობა საბიუჯეტო კოდექსს იშველიებს.

მმართველ გუნდში ამბობენ, რომ კანონი არ ირღვევა, რადგან ნებაყოფლობითი ტრანსფერები ბიუჯეტის შემოსავლების ერთ-ერთი სახეა.

გაუმჭირვალობის პრობლემაზე საუბორბენ არასამთავრობო ორგანიზაციები.

ინფორმაციის თავისუფლების განვითრების ინსტიტუტი, რომელიც უწყებების საბიუჯეტო დანახარჯებს მონიტორინგს უწევს, ფინანსთა სამინისტროსგან ნებაყოფლობით შემომწირველების შესახებ დეტალური ინფორმაციის წარდგენას ითხოვს.

წყარო: "რუსთავი 2"