,,ISIS მიერ გურჯისტანის ვილაიეთის დაარსების მიზანი ჩრდილო კავკასიაში სატრანზიტო გზის უზრუნველყოფაა“

პოლიტიკა - 16:03, 17 Nov, 2015

5007

პარტია „რეფორმატორები“ კავკასიაში მოსალოდნელ ტერორისტულ აქტებზე საუბრობს და საგანგებო მიმართვით სახელმწიფოს მხრიდან საჭირო პრევენციული ზომების მიღებას მოითხოვს.

„ტერორისტულმა ორგანიზაცია, ისლამურმა ხალიფატმა, კავკასიაში გურჯისტანის ვილაიეთის დაარსება დაანონსა, რომლის მიზანია, ჩრდილოეთ კავკასიასთან სატრანზიტო გზის უზრუნველყოფა. სწორედ ამ მიზნის განსახორციელებლად, ისლამური ხალიფატი, შესაძლო ტერორისტულ აქტებზეც საუბრობს.

საფრანგეთში ამ დღღეებში განხორციელებულმა ტერორისტულმა აქტებმა, რომლის დროსაც 100-ზე მეტიადამიანი დაიღუპა, ამ ტიპის რეალური საფრთხეების შესახებ კიდევ ერთხელ დაგვარწმუნა.

გამომდინარე აქედან, „რეფორმატორებს“ მიგვაჩნია რომ, სახელმწიფოს მხრიდან საჭიროააქტიური პრევენციული ზომები განხორციელდეს, მათ შორის: უნდა შეიკრიბოს უშიშროების საბჭო, სადაც იმსჯელებენ უსაფრთხოების ზომებზე, დაიწყოს აქტიური კონსულტაციებიტერორიზმის წინააღმდეგ ბრძოლაში გამოცდილ ქვეყნებთან, როგორიც არის ამერიკა და ისრაელი, აუცილებლად საჭიროა საზღვრების უმკაცრესი კონტროლი, აუცილებელია, როგორც საზოგადოებრივი თავშეყრის ადგილების, ასევე სტრატეგიული ობიექტების: აეროპორტების, პორტების, ელექტროსადგურების, წყალსაცავების, სკოლებისა და სკოლამდელი დაწესებულებების გაძლიერებული დაცვა.

საფრანგეთის ტერაქტებმა შეცვალა ევროპული და მსოფლიო უსაფრთხოება, აქედან გამომდინარე, პარტია „რეფორმატორებს“ მიგვაჩნია, რომ ქართულმა სახელმწიფომ პრევენციის განსახორციელებლად სასწრაფოდ უნდა მიიღოს ზომები!”- ნათქვამია „რეფორმატორების“ საგანგებო განცხადებაში.