ანტიტერორისტული კოალიცია რუსეთთან ერთად

ანტიტერორისტული კოალიცია რუსეთთან ერთად - შესაძლო შედეგები

სოც.მედია - 15:17, 15 Nov, 2015

4114

რა შედეგების მომტანი შეიძლება გახდეს ანტიტერორისტული კოალიცია რუსეთთან ერთად შექმნა - ამასთან დაკავშირებით ჟურნალისტი და პუბლიცისტი ირაკლი ტაბლიაშვილი საკუთარ მოსაზრებას სოციალურ ქსელში აქვეყნებს.

,,ანტიტერორისტული კოალიცია რუსეთთან ერთად ნიშნავს:

1. მეტ მსხვერპლს უკრაინაში - რადგან პუტინს პოროშენკოს მთავრობა ტერორისტული და უკანონო ჰგონია;

2. უკრაინის კრიზისის გაღრმავებას - მცირე რუსეთის იდეის გაღვიძებას;

3. უკრაინის და საქართველოს წინააღმდეგ ახალი ფრონტების გახსნას, მათ შორის, რბილი და ჰიბრიდული ომების წარმოებას და ამის "გაპრავებას" კოალიციის თანასწორი წევრის სტატუსით.

4. საქართველოს საგარეო ორიენტაციაზე დამატებით შეტევებს, მცდელობას, რომ ევრო-ატლანტიკურმა თანანეგობრობამ თავად თქვას ღია უარი ჩვენ მიღებაზე;

5. სავარაუდოდ პანკისის ხეობაში ერთობლივი ცენტრის (რეალურად, ბაზის) გახსნის იდეის გაღვიძებას;

ჩვენ ვერ ვაიძულებთ დასავლეთს, რომ იყოს პრინციპული და არასდიდებით არ დათანხმდეს პუტინს არანაირ შეთავაზებაზე.

ჩვენ შეგვიძლია ვთქვათ მხოლოდ სრული სიმართლე:

კერძოდ - ახლაა მომენტუმი ალიანსის გაფართოებისა!!!

კონიუნქტურამ შეაღო ფანჯარა.

ვიდრე დაკეტილა, ახლაა აქტიურობა საჭირო...“ - წერს ტაბლიაშვილი.