,,პრეზიდენტის რეზიდენციიდან გამოსვლისთვის ვიღაცამ შეიძლება სპეციალური კანონის შექმნა მოინდომოს“

,,პრეზიდენტის რეზიდენციიდან გამოსვლისთვის ვიღაცამ შეიძლება სპეციალური კანონის შექმნა მოინდომოს“ - ფიქრია ჩიხრაძე

პოლიტიკა - 23:54, 14 Nov, 2015

2170

პრეზიდენტის რეზიდენციასთან დაკავშირებით მმართველი კოალიციის მხრიდან გაკეთბულ განცხადებებზე ისაუბრა პრეზიდენტის მრჩეველმა. ფიქრია ჩიხრაძის თქმით, ადმინისტრაცია ცდილობს არ ჩაერთოს ამ პოლემიკაში. პრეზიდენტის მრჩეველი იმედოვნებს, რომ იმ ფონზე როცა ქვეყანაში არსებობს მრავალი პრობლემა და როცა მსოფლიოს ყურადღება სრულიად სხვა თემებზეა მიპყრობილი, საქართველოს ხელისუფლება დემოკრატიული სამყაროდან ამოვარდნილი არ იქნება.

"პრეზიდენტის სასახლიდან გამოსახლების შესახებ მიმდინარე პოლემიკაში პრეზიდენტი ცდილობს არ ჩაერთოს. არსებობს სამართლებრივი აქტი, პრეზიდენტის ბრძანებულება, რომლის ძალითაც პრეზიდენტმა განსაზღვრა თავისი საქმიანობის წესი, ადგილსამყოფელი. ეს საკმაოდ მაღალი ძალის მქონეს აქტია, რომელსაც ვერ აუქმებს მთავრობის დადგენილება, რომც იქნეს ამ კუთხით მიღებული. თუ ჩვენი პოლიტიკური სპექტრი, მმართველი კოალიცია დაირაზმება იმისათვის, რომ თვითმიზნად აქციოს და შექმნას საფუძველი, რომელიც არ არსებობს პრეზიდენტის ამ სასახლეში არყოფნისა, ბუნებრივია ასეთი ყურითმოთრეული ღონისძიებები შეიძლება განხორციელდეს და ვიღაცამ სპეციალური კანონის შექმნა მოინდომოს. მინდა დიდი იმედი ვიქონიო, რომ ქვეყანაში, როდესაც ამდენი პრობლემებია დაგროვილი, როცა მსოფლიოში სრულიად სხვა თემებზე მიდის მსჯელობა საქართველოს ამ დემოკრატიული სამყაროდან ასე უცნაურად ამოვარდნილი არ აღმოჩნდება და მთელი ძალისხმება სამთავრობო სტრუქტურებისა არ იქნება მიმართული იქეთ, საითკენაც დღეს შეიძლება აღმოჩნეს", - განაცხადა ფიქრია ჩიხრაძემ ,,კურიერის“ ეთერში.