სახალხო დამცველი ვაკე-საბურთალოს პოლიციის უფროსის დაკავების ფაქტს დადებითად აფასებს.

უჩა ნანუაშვილი იმედოვნებს, რომ გამოძიება ბოლომდე მივა. ომბუდსმენის თქმით, არ არის გამორიცხული, რომ სხვა ეჭვმიტანილებიც გამოიკვეთონ.

„ჩვენ მივესალმებით ამ ფაქტს, რომ მოხდა დროული და ადეკვატური რეაგირება, რაც არ მოხდა სამწუხაროდ სხვა საქმეებში. იმედი მაქვს ეს გამოძიება მივა ბოლომდე. არ არის გამორიცხული, რომ გამოიკვეთონ სხვა ეჭვმიტანილები და მოხდეს სხვა პირებზე პასუხისმგებლობის დაკისრება. ამიტომ ჩვენ ყურადღებას მივაქცევთ ამ საქმის გამოძიებას და მნიშვნელოვანია, რომ დადგეს შედეგი როგორც ამ საქმეზე, ისე სხვა ფაქტებთან დაკავშირებითაც“, - განაცხადა უჩა ნანუაშვილმა.