პარლამენტის ჯანდაცვის კომიტეტის თავმჯდომარემ დიმიტრი ხუნდაძემ მთავრობის ადმინისტრაციასთან მოშიმშილეები მოინახულა.

იგი „პატრიოტთა ალიანსის“ წევრების ჯანმრთელობის მდგომარეობით დაინტერესდა. ირმა ინაშვილმა ადგილზე სასწრაფო-სამედიცინო ბრიგადის 24 საათიანი მობილიზება მოითხოვა.

„სახელმწიფომ უნდა იზრუნოს სამედიცინო მომსახურებაზე. მათ უნდა იზრუნონ, რომ აქ იყოს ბიო საპირფარეშოები, განათება. ჩვენ გუშინ ჩაგვიქრეს შუქი, არ იყო სასწრაფო დახმარების მანქანა, რასაც გვპირდებოდნენ,“ - განაცხადა ირმა ინაშვილმა.

ხუნდაძის თქმით, ყველა ზომა იქნებამიღებული იმისთვის, რომ მოქალაქეების ჯანმრთელობა დაცული იყოს.

„საჭიროების შემთხვევაში, თითოეული მოქალაქის ჯანმრთელობა იქნება დაცული. მე მქონდა კომუნიკაცია ჯანდაცვის სამინისტროსთან, ასევე მერიასთან და ყველა ზომა იქნება მიღებული იმისათვის, რომ დაცული იყოს თითოეული მოშიმშილის ჯანმრთელობა,“ - განაცხადა დიმიტრი ხუნდაძემ.