თბილისის მერის დავით ნარმანიას თქმით, 2016 წლის ბიუჯეტი წლევანდელთან შედარებით სავარაუდოდ გაიზრდება.

მისივე ინფორმაციით, წლევანდელთან შედარებით თანხები სპორტის მიმართულებით შემცირდება.

„ჩვენ ვვარაუდობთ, რომ დედაქალაქის 2016 წლის ბიუჯეტი 2015 წლის ბიუჯეტის პირველად ვარიანტთან შედარებით იქნება მეტი. გათვალისწინებული იქნება ყველა ის პრიორიტეტი, რომელიც ჩვენ გაგვაჩნია. ჯერ კიდევ გარკვეული პარამეტრები ზუსტდება. თანხების შემცირება იქნება სპორტის მიმართულებით, რადგან 2015 წლის ბიუჯეტში ოლიმპიური ფესტივალის ხარჯები იყო გათვალისწინებული. ამიტომ იყო ხარჯები გაზრდილი, თუმცა წინა წლებთან შედარებით არც ამ მიმართულებით იქნება კლება“, - აღნიშნა ნარმანიამ.