ოპოზიცია ხელისუფლების წინაშე დიალოგის დაუყოვნებლივი დაწყების მოთხოვნას აყენებს

პოლიტიკა - 23:01, 12 Nov, 2015

1339

ოპოზიციური პარტიები ხელისუფლებას დიალოგისკენ მოუწდებენ. განცხადებას, რომელიც ცოტა ხნის წინ გავრცელდა, 13 ოპოზიციური პარტია აწერს ხელს.

უკანასკნელ პერიოდში საარჩევნო გარემოსთან დაკავშირებულმა მოვლენებმა (სახელმწიფო საკონსტიტუციო კომისია, საკონსტიტუციო ცვლილებების საერთო-სახალხო განხილვა, 240,000 ხელმოწერა საკონსტიტუციო ცვლილებებისათვის, პარლამენტში ინტერპარტიული კომისიის ინიცირება, შუალედური არჩევნები 31.10.2015, მიმდინარე საპროტესტო-შიმშილობის აქცია) კიდევ უფრო ნათელი გახადა პრობლემათა სიმწვავე და ცხადყო ხელისუფლებასა და ოპოზიციას შორის დიალოგის აუცილებლობა.

ჩვენ, ოპოზიციური პარტიების ლიდერები მოვითხოვთ ხელისუფლებისაგან-კოალიცია „ქართულ ოცნებისგან“ დიალოგს საარჩევნო გარემოს პრობლემურ საკითხებთან დაკავშირებით:

1. პარლამენტის საარჩევნო სისტემა;

2. საარჩევნო ადმინისტრაციის დაკომპლექტების წესი;

3. უფასო სარეკლამო საეთერო დრო;

4. ადმინისტრაციული რესურსების გამოყენების შეზღუდვა.

იმედი გვაქვს, რომ ზემოხსენებულ მოთხოვნასთან დაკავშირებით ხელისუფლება დროულად მიიღებს საკანონმდებლო გადაწყვეტილებას.

ჩვენის მხრივ, ვადასტურებთ მზადყოფნას დიალოგისათვის ფართო კონსესუსის მისაღწევად.