„რუსთავი 2“-ის ყოფილი გენერალური დირექტორი ნიკა გვარამია საჯარო რეესტრთან დაკავშირებით გაკეთებული განცხადების გამო ბოდიშს იხდის.

მისი თქმით, დროის სიმცირის გამო ვერ გადაამოწმა იყო თუ არა იყო თუ არა „რუსთავი 2“-ის დროებითი მმართველების დოკუმენტაცია ზაალ უდუმაშვილისთვის უფლებამოსილების გადაცემასთან დაკავშირებით.

"მე მინდა განვმარტო ჩემი პოზიცია რეესტრთან დაკავშირებით, ბოდიში მოვიხადო და უკან წავიღო ჩემი სიტყვები. დროის სიმცირის გამო ვერ მოვახერხეთ გადამოწმება რეგისტრირებული იყო ეს ყველაფერი თუ არა. ყოველ შემთხვევაში საიტზე არ ჩანს. იმედს ვიტოვებ, რომ არ ჩანს იმიტომ, რომ ის არ არის რეგისტრირებული. ჯერჯერობით არ არის რეგისტრირებული და იმედია არც მოხდება. კიდევ ერთხელ უკან მიმაქვს ჩემი სიტყვები და ეს ობიექტური მიზეზებით იყო გამოწვეული,"- განაცხადა გვარამიამ.

შეგახსენებთ, საგანგებო ბრიფინგზე ნიკა გვარამიამ განაცხადა, რომ საჯარო რეესტრმა შეცდომა დაუშვა, როდესაც დოკუმენტი დაარეგისტრირა.

"ნოტარიუსზე მძიმე შეცდომა ჩაიდინა საჯარო რეესტრმა, რომელიც ვალდებულია, რომ დაახარვეზოს ასეთი დოკუმენტი, რაც არ მომხდარა და ამ დოკუმენტის რეგისტრაცია წუთების განმავლობაში მოახდინა. სახეზეა კიდევ ორი თანამდებობის პირის მიერ დანაშაულის ჩადენა, ნოტარიუსი და საჯარო რეესტრის წარმომადგენელი. ამ პირებმა ზალიკოს თავისი ნების გარეშე დააკისრეს პასუხისმგებლობა. ეს ქაღალდი არის ფარატინა ფურცელი, რომელსაც არ ახლავს საჭირო რეკვიზიტი, მეორე მხარის თანხმობა“- აღნიშნავს გვარამია და ამ საკითხის გამოძიებას ითხოვს", - განაცხადა გვარამიამ.