საიას თავმჯდომარე ანა ნაცვლიშვილი უარყოფს „რუსთავი 2“-ის დროებითი მმართველების განცხადებას, რომ მათ სამართლებრივ საკითხებთან დაკავშირებით შეხვდა.

როგორც ნაცვლიშვილი ამბობს, მან საყევარიშვილს და დვალს არასამთავრობო ორგანიზაციებთან შეხვედრის ორგანიზება დაპირდა.

„მეც და ჩემს მეგობრებს შთაბეჭდილება დაგვრჩა, რომ თითქოს, ეს იყო ჩემთან საფუძვლიანი კონსულტაციები ან მე რაიმე რჩევის მსგავსი გავაკეთე, როგორ უნდა მოიქცნენ ისინი ამ შემთხვევაში, ეს ასე არ ყოფილა. ჩვენ ამ პროცესში მხარე არ ვართ. სამწუხაროდ, მრჩება შთაბეჭდილება, რომ გარკვეული მცდელობებია საია იქცეს მხარედ. შეხვედრა შედგა მხოლოდ რაც დავპირდი და შევთანხმდით, რომ იქნებოდა არასამთავრობო ორგანიზაციებთან შეხვედრა,“- განცხადა ანა ნაცვლიშვილმა.