ოკუპირებული სამხრეთ ოსეთი სირიასთან თანამშრომლობის განვითარებაზე მუშაობს

პოლიტიკა - 11:12, 11 Nov, 2015

1993

ოკუპირებული სამხრეთ ოსეთის მარიონეტული რეჟიმი სირიასთან თანამშრომლობის გარღმავებას აპირებს. Osradio.ru-ს ცნობით, რუსეთში სირიის ელჩი რიად ჰადადი და ოკუპირებული სამხრეთ ოსეთის ე.წ. ელჩი ზნაურ გასიევი ერთმანეთს მოსკოვში შეხვდნენ და ორმხრივი ურთიერთობის განვითარების შესაძლებლობებზე იმსჯელეს.

შეხვედრა მოსკოვში, სირიის საელჩოში გაიმართა.
„სირიის ელჩმა აღფრთოვანება გამოხატა დამოუკიდებლობისთვი სამხრეთ ოსეთის ხალხის ბრძოლისადმი, მადლობა გადაუხადა რესპუბლიკის ლიდერს ლეონიდ თიბილოვს პრეზიდენტ ბაშარ ალ-ასადისა და სირიელი ხალხის მხარდაჭერისთვის” - აღნიშნავს გამოცემა.

ჰაიდიდს თქმით, ეს შეხვედრა მნიშვნელოვანი წინგადაგმული ნაბიჯია ორ ქვეყანას შორის ურთიერთობის გაფართოებისთვის.

„დღეს სირია მყარად დგას საკუთარი ხალხის გამძლეობითა და რუსეთის მხარდაჭერით, რომელთანაც ჩვენ ისტორიული მეგობრული კავშრები გვაქვს, მაგრამ ჩვენთვის ძალიან მნიშვნელივანია სხვა ქვეყნების მხარდაჭერაც“ - განაცხადა რიად ჰადიდმა.

თავისმხრივ, ზნაურ გასიევმა სირიის ელჩს შეხვედრისთვის მადლობა გადაუხადა და აღნიშნა, რომ 200 წელს სამხრეთ ოსეთი მორიგი გენოციდისგან რუსეთმა გადაარჩინა.

„რუსეთმა დახმარების ხელი გაუწოდა მოძმე სირიას და ამით არ მხოლოდ სახელმწიფოებრიობაგადაარჩინა, არამედ მსოფლიოში სტაბილურობას შეუწყო ხელი“ - აღნიშნა ე.წ. ელჩმა.