”თქვენ თავი მოიჭერით, სამარცხვინო სისულელეებს ამბობთ” - ჩერგოლეიშვილი-გოცირიძის კამათი ”არჩევანში”

პოლიტიკა - 23:57, 10 Nov, 2015

3881

მოსამართლე თამაზ ურთმელიძის მიერ გამოტანილ განჩინებასთან დაკავშირებით ტაბულას“ დირექტორმა თამარ ჩერგოლეიშვილმა და იუსტიციის უმაღლესი საბჭოს წევრმა ევა გოცირიძემ „რუსთავი 2“-ის პირდაპირ ეთერში იკამათეს.

ევა გოცირიძის მოსაზრებით, მოსამართლე ურთმელიძის მიმართ არა კრიტიკული, არამედ შეურაცხმყოფელი განცხადებები კეთდება. გოცირიძე ამბობს, რომ მსგავსი დამოკიდებულება დაუშვებელია, რადგან ის ცუდ გავლენას ახდენს არა მხოლოდ მოსამართლე ურთმელიძეზე, არამედ ზოგადად სასამართლო სისტემაზე. მისი განცხადებით სასამართლოზე ან მოსამართლეზე ზღვარგადასული ლანძღვის შემთხვევაში ხელისუფლებამ ევროპული გამოცდილება უნდა გაითვალისწინოს და მოახდინოს სიტყვის თავისუფლების შეზღუდვა. გოცირიძის განცხადებით, სასამართლოს შეუძლია შეახსენოს მედიასაწარმოს, რომ მან უნდა გამოიყენოს ობიექტური და სამართლიანი რეპორტაჟის მეთოდი.

გოცირიძის განცხადებებს სტუდიაშივე უპასუხა თამარ ჩერგოლეიშვილმა.

”ქალბატონო ევა, ხანგრძლივი შესვენების შემდეგ გამოჩნდით ნაციონალურ მაუწყებელზე და თავი მოიჭერით, თქვენს ციტატებს ხვალ, ჩათვალეთ, რომ ხალხი იმღერებს. შორს წაგიყვანთ ის აზრი, რომ თურმე სასამართლოს შეუძლია ობიექტურობა არეგულიროს ამა თუ იმ მედიასაშუალებაში. პირდაპირ ეკრძალება სასამართლოს ჩემი ობიექტურობის შეფასება. თქვენ ურცხვად მარტო იმიტომ ტყუიხართ, რომ შეინარჩუნოთ სკამი იუსტიციის საბჭოში, რომელიც როგორც ჩანს მოგენატრათ წლებია დამშვიდობებული ხართ. იმისთვის, რომ შეინარჩუნოთ სკამი ასეთ სამარცხვინო სისულელეებს ამბობთ. თქვენ რა სისულელეეებსაც აქ ამბობთ ჩვენ ჩამოვივლით იურისტებს და ამ სისულელეების ანალიზს მოვთხოვთ. შეურაცხყოფა არ მომიყენებია. ჩაბღაუჭებული ხართ სკამს, იცით რომ სკამზე რამდენ ხანს იჯდებთ ბიძინა ივანიშვილის კეთილ ნებაზეა დამოკიდებული ამიტომ ცდილობთ გაამრთლოთ სამარცხვინო მოსამართლის სამარცხვინო გადაწვყეტილება,"- განაცხადა ჩერგოლეიშვილმა,