"რომ არ მოხდეს „ბანკროტსტვა“, არ გამოვრიცხავ კრედიტორებს პირადი დახმარებაც აღმოვუჩინო"

"რომ არ მოხდეს „ბანკროტსტვა“, არ გამოვრიცხავ კრედიტორებს პირადი დახმარებაც აღმოვუჩინო" - ივანიშვილი

პოლიტიკა - 20:44, 10 Nov, 2015

7690

ბიძინა ივანიშვილის განცხადებით, მას ძალიან აწუხებს კრედიტორების თემა, რომლებსაც ლარის გაუფასურების გამო სესხი გაუძვირდათ და პრობლემები შეექმნათ, ივანიშვილი არ აკონკრეტებს რა გზით, თუმცა აცხადებს, რომ შესაძლოა მათ პირადი დახმარება გაუწიოს:

„ის რომ ესეთი დევალვაცია მოხდა და ბევრი კრედიტორები ძალიან ცუდ დღეში არიან, ამაზე ფიქრობს ხელისუფლება , ვფიქრობ მეც. არ გამოვრიცხავ პირადი დახმარებაც კი აღმოვუჩინო მათ, რომ არ მოხდეს ბიზნესში რამე მკვეთრი გადანაწილება და არ მოხდეს ბანკროტი, „ბანკროტსტვა“ , გაკოტრება უკაცრავად რუსული სიტყვა ვიხმარე. ზოგადად ძალიან მაწუხებს ეს თემა, რომ დევალვაციის ხარჯზე, ვისაც ქონდა კრედიტი აღებული თავის დროზე ლარის კურსი იყო 2-ზე ქვემოთ და დღეს არის 2.40- თან ახლოს , თითქმის 30%-ისთ გაუძვირდათ კრედიტები და მისი დაბრუნება იქნება რთული, მე ამ თემებზეც ვმსჯელობ, ქუმსიშვილს გუშინაც შევხვდი“ - განაცხადა ივანიშვილმა.

ექსპრემიერის თქმით, იყო თუ არა ლარის გაუფასურების წინააღმდეგ სებ-ის მიერ გატარებული ღონისძიებები შესაბამისი, ამის შესახებ მისმა ანალიტიკოსებმა კვლევის ჩატარება ვერ შეძლეს, რადგან მიუწვდომელია ციფრები. ივანიშვილის თქმით ამ პრობლემას სებ-ისგან საბანკო ზედამხედველობის სამსახურის გამოყოფა მოაგვარებდა, თუმცა საკონსტიტუციო სასამართლომ გაუგებარი მიზეზით ეს პროცესი შეაჩერა.