"როგორც არ უნდა ინატროთ, მე არაფერი არ შემეხება, პასუხი ბოკერიას მოეთხოვება და არა ივანიშვილს"

პოლიტიკა - 20:28, 10 Nov, 2015

3855

საქართველოს პრემიერ-მინისტრის ბიძინა ივანიშვილის განცხადებით, ის კანონს არ არღვევს და დასავლეთიდან წამოსული კრიტიკის ობიექტი ისა არაა და შესაბამისად ამ კრიტიკის პოლიტიკური შედეგები მას არ შეეხება. მისი თქმით პასუხი არა ივანიშვილს, არამედ ბოკერიას მოეთხოვება. აღნიშნული განცხადება ივანიშვილმა „ტაბულას“ ჟურნალისტის შეკითხვის საპასუხოდ გააკეთა. „აშშ-მ განაცხადა რომ რუსთავი 2-ის გარშემო განვითარებული პროცესები უკიდურესად შემაშფოთებელია და კონკრეტული პოლიტიკური შედეგები ექნება - ხომ არ შიშობთ, რომ ეს შედეგები შეიძლება, პირადად შეგეხოთ, როგორც ქვეყნის დეფაქტო მმართველს?“- ჰკითხა ექსპრემიერს ტაბულამ.

"როგორც არ უნდა ინატროთ, მე არაფერი არ შემეხება, რამეთუ კანონებს არ ვარღვევ. განსხვავებით იმ ხალხისგან, რომელსაც იცავთ დღეს. მათ უამრავი კანონდარღვევა აქვთ, ბოკერია პირადად ათეულობით მილიონს ოფიციალურად ხარჯავდა სააკაშვილის ლობიზმზე. ძალიან დიდი ნაღდი თანხა არის გაცემული. 500 000, 900 000 - ფაქტები დევს პროკურატურაში. ეს ფული მუშაობს დღესაც, ბოკერია ასე უხვად რომ ხარჯავდა. თუ ვინმეს მოეთხოვება პასუხი, მას მოეთხოვება და არა ივანიშვილს, რომელიც განუხრელად იცავს კანონებს და დაიცავს მომავალშიც", - განაცხადა ივანიშვილმა.