ჩვენი მთავრობა არცერთ მედიასაშუალებას არ აკონტროლებს და ეს დასაფასებელია

ჩვენი მთავრობა არცერთ მედიასაშუალებას არ აკონტროლებს და ეს დასაფასებელია - პრემიერი

პოლიტიკა - 17:23, 10 Nov, 2015

1348

პრემიერ-მინისტრის თქმით, მთავრობა მზად არის ქვეყანაში მედიის თავისუფლება უზრუნველყოს.

ამის შესახებ მთავრობის მეთაურმა „რუსთავი 2“-ის გარშემო მიმდინარე მოვლენების კომენტირებისას განაცხადა.

როგორც ირაკლი ღარიბაშვილმა აღნიშნა, მთავრობა სასამართლო პროცესებში არ ერევა და დავა ორ სუბიექტს შორის მიმდინარეობს.

პრემიერი დარწმუნებულია, რომ „რუსთავი 2“-ის გარშემო ატეხილი აჟიოტაჟი მალე ჩაცხრება.

„თქვენი კომპანია ყოველდღიურ რეჟიმში იმართება სააკაშვილის მიერ. ის უშუალოდ აძლევს ინსტრუქციას ტელეკომპანიის გენერალურ დირექტოს და მართავს ინფორმაციულ ბადეს. მთავარი არის ის, რომ მედია პოლიტიკისგან იყოს თავისუფალი. ჩვენ მთავრობას ამაყად შეუძლია თქვას, რომ დღეს არცერთი მედიასაშუალებას არ ვაკონტროლებთ. ეს არის უპრეცედენტო ფაქტი. ეს არის რეალობა და ამას სჭირდება დაფასება. ჩვენ არცერთ ტელეკომპანიას არ ვაკონტროლებთ და არც გვაქვს ამის სურვილი. ასე, რომ არა მხოლოდ „რუსთავი 2“-ია კრიტიკული, არამედ „მაესტრო“ და „პირველი არხი“, - განაცხადა ღარიბაშვილმა.

პრემიერი ჟურნალისტებს დაჰპირდა, რომ ის დაიცავს მათ დამოუკიდებლობას და პროფესიული საქმიანობის შესრულებაში ხელი არ შეეშლებათ.