მოვუწოდებ შეწყვიტოს შიმშილობა, მან ღირსეული წინააღმდეგობა გაუწია კოალიციას

მოვუწოდებ შეწყვიტოს შიმშილობა, მან ღირსეული წინააღმდეგობა გაუწია კოალიციას - ივანიშვილი ინაშვილზე

პოლიტიკა - 16:11, 10 Nov, 2015

4525

ექსპრემიერი ბიძინა ივანიშვილი „პატრიოტთა ალიანსის“ ლიდერს ირმა ინაშვილს მოუწოდებს შეწყვიტოს შიმშილობა და არ გამოიყენოს სიტყვა - „გაყალბებული არჩევნები“.

როგორც ივანიშვილი ამბობს, მისალოცია ის ფაქტი, რომ ინაშვილმა კოალიციას ღირსეული წინააღმდეგობა გაუწია.

მისი თქმით, სამწუხაროა, რომ არჩევნების გაყალბებასთან დაკავშირებით განცხადებები პოლიტიკოსების მხრიდან კეთდება.

„ირმა ინაშვილს მინდა მივულოცო, რადგან მან ღირსეული წინააღმდეგობა გაუწია კოალიციას. ჩემთვის მოულოდნელი იყო, რომ თანაბარი ბრძოლა დაფიქსირდა მათ შორის. ტერმინი „გაყალბებული არჩევნები“ ჩემთვის მიუღებელია. მოპარული არჩევნები არ ყოფილა. კონკრეტული კითხვები, რაც არსებობს არჩევნებში სამხედროების მონაწილეობასთან დაკაშირებით, ეს გასაჩივრებულია. ირმა ინაშვილს მინდა ვთხოვო, რომ ამ უკიდურეს ფორმაზე უარი თქვას. მან ენერგიულად იბრძოლა საგარეჯოში. ვერცერთმა ვერ გაწია წინააღმდეგობა, როგორც ინაშვილის პარტიამ, მათ შორის, ვერც „ნაციონალურმა მოძრაობამ“, - განაცხადა ინაშვილმა.