„ნაციონალური მოძრაობა“ პარლამენტში მომავალ კვირას სესიებს არ დაესწრება.

ამის შესახებ პარტიის წევრმა გოკა გაბაშვილმა განაცხადა.

მისი თქმით, აღნიშნულის მიზეზი ის არის, რომ დეპუტატები „რუსთავი 2“-ის გარშემო მიმდინარე მოვლენებს ასახელებენ.

„მნიშვნელოვანი საკითხებია ქვეყნის წინაშე, მნიშვნელოვანი საკითხებია პარლამენტში განსახილველი, მათ შორის ჩვენ გვაქვს საკითხი პენსიის ზრდისა 50 ლარით და მთავრობისთვის ფუფუნების მოკლებისა, რაც ძალიან მნიშვნელოვანი სასაუბროა. თუმცა ამ წუთში და ეხლა ქვეყანაში დემოკრატიის მომავალი განვითარების, სამართლიანი არჩევნების ყველა მნიშვნელოვანი საკითხი წყდება აქ „რუსთავი 2“-თან. შესაბამისად, მივიღეთ გადაწყვეტილება სასესიო კვირაში არ მივიდეთ პარლამენტში და გვერდში დავუდგეთ „რუსთავი2-ს,"- აცხადებს გოკა გაბაშვილი.