უმრავლესობის დეპუტატის გედევან ფოფხაძე მიიჩნევს, ომ მაჟორიტარული საარჩევნო სისტემა უფრო დემოკრატიულია.

ამ განცხადებით ფოფხაძე 12 ოპოზიციური პარტიის მიერ შეგროვილი ხელმოწერების პარლამენტში შევლის საკითხს გამოეხმაურა.

მისი თქმით, მისი ნება რომ იყოს მაჟორიტარულ სისტემას არასდროს გააუქმებდა.

„იმ შემთხვევაში თუ დადასტურება სულ ცოტა 200 ათასი ხელმოწერა არის ნამდვილი, ასეთ შემთხვევაში ჩაითვლება, რომ კონსტიტუციური კანონი არის ინიცირებული. მაჟორიტარული საარჩევნო სისტემა არის უფრო დემოკრატიული. ჩემი გადასაწყვეტი რომ იყოს, არც 2020 წელს არ გავაუქმებდი მაჟორიტარულ არჩევნებს. ზოგადად ამ საარჩევნო სისტემის მომხრე ყოველთვის ვიყავი და მიმაჩნა, რომ ეს არის უფრო დემოკრატიული", - განაცხადა გედევან ფოფხაძემ.

საპარლამენტო და არასაპარლამენტო ოპოზიციის წარმომადგენლებმა მაჟორიტარული სისტემის გაუქმებასთან დაკავშირებით საქართველოს მასშტაბით შეგროვილ ხელმოწერებს პარლამენტში შეიტანეს.

12 კაციან საინიციატივო ჯგუფს არანაკლებ 200 ათასი ხელმოწერის მოსაგროვებლად სულ 4 თვე ჰქონდათ, თუმცა როგორც ცნობილია მათ თვენახევარში 240 ათასი ხელმოწერა შეაგროვეს.