"მობილიზებაა და ენმ ამას კარგად ახერხებს"- ივანიშვილი დასავლეთიდან წამოსულ კრიტიკას გამოეხმაურა

პოლიტიკა - 14:48, 10 Nov, 2015

1587

საქართველოს ყოფილი პრემიერ-მინისტრი ბიძინა ივანიშვილი „რუსთავი2“-ის საქმესთან დაკავშირებით დასავლელი პარტნიორების მხრიდან წამოსულ კრიტიკას გამოეხმაურა. ივანიშვილის თქმით ნაციონალური მოძრაობა მობილიზებულია, რომ დასავლეთში ცრუ ინფორმაცია გაავრცელოს :

"ჩვენ ნუ გვექნება აგრესია ნურც ამერიკელებზე და ნურც ევროპელებზე, მათ დიპლომატებზე და ჟურნალისტებზე. შეგახსენებთ ორ მაგალითს, როცა ოპოზიციაში ვიყავით აშშ-ს საელჩოში ჟურნალისტებმა წრე დამარტყეს და მკითხეს, მარტენსმა თქვა, რომ ივანიშვილმა ტოტალურად მოისყიდა მოსახლეობა და მაცივრებს და ტელევიზორებს არიგებს. მეკითხებიან და მაწვებიან. მე მარტივად ვკითხე: აბა სად გინახავთ ან ტელევიზორი ან მაცივარი . ეს უკვე პასუხია იმაზე, რაზეც აჟიოტაჟი ატეხეს.

მობილიზებაა და ნაციონალური მოძრაობა ამას კარგად ახერხებს. ევროსაბჭოს რეზოლუცია იყო რამდენიმე დღის მიღებული მანამდის, სანამ სტრასბურგში გეახლებოდით. სადაც საუბარი იყო, რომ ახალი ხელისუფლება ავიწროებს მედიას. „იმედი“ წაართვა კერძო მესაკუთრეს და თვითონ მიისაკუთრეს, ამ დროს კარგად მოგეხსენებათ ეს ისტორია. "იმედი" ჩვენი მოსვლის შემდგომ რეალურ მესაკუთრეს პატარკაციშვილების ოჯახს დაუბრუნდა. დღევანდელი თემა რომ 5 საათი უკვე შუაღამედ დააფუძნეს და თქვა ერთმა დიპლომატმა და ეს აიტაცეს ნაციონალურ მოძრაობამ მათგანვე ჩაწვეთებული და 5 საათი შუაღამედ გადააქციეს. ამის შემდგომ განცხადებები კეთდება რომ ესეთ ცდომილებებს ყურადღება არ მივაქციოთ, შუაღამეზე ნუ ვაკეთებთ აქცენტს და ფაქტებზე გავაკეთოთ, რომელ ფაქტებზე უნდა გავაკეთოთ ჩვენ ანალიზი."- განაცხადა ბიძინა ივანიშვილმა.