ექსპრემიერი ბიძინა ივანიშვილი სამოქალაქო განათლების ოლიმპიადასთან დაკავშირებულ ღონისძიებას ესწრება, რომელიც შეფასებისა და გამოცდების ეროვნულ ცენტრში მიმდინარეობს.

ორგანიზაცია "მოქალაქე", სამოქალაქო განათლების ოლიმპიადას საქართველოს სკოლების IX-XII კლასების მოსწავლეებისთვის 2015-16 სასწავლო წელსაც ჩაატარებს.

კონკურსისთვის რეგისტრაცია 13 ნოემბრის ჩათვლით გაგრძელდება, რისთვისაც მოსწავლეებმა საკუთარი სკოლის ადმინისტრაციას უნდა მიმართონ.

პირველი ტური საქართველოს ყველა რაიონისა და თბილისის სკოლებში კომპიუტერულად ჩატარდება.