როცა ქალი ძლიერია, საზოგადოება უფრო სტაბილურია და დემოკრატიაც უფრო ძლიერდება- მოგერინი

პოლიტიკა - 11:05, 10 Nov, 2015

1401

ევროკავშირის უმაღლესმა კომისარმა ფედერიკა მოგერინიმ გენდერული თანასწორობის საკითხებისადმი მიძღვნილი საერთაშორისო კონფერენცია გახსნა. მოგერინიმ კონფერენციის დამსწრეებს სიტყვით მიმართა და გენდერული თანასწორობის მნიშვნელობაზე ისაუბრა.

"ჩვენ გვჯერა გენდერული თანასწორობის და გვჯერა, რომ სიტუაცია შეიცვლება. გენდერული თანასწორობა არ არის მარტო მორალური ვალდებულება, ან სოციალური სამართლის საკითხი. ერთნაირი თანასწორობი8ს მინიჭებდა ქალებისა და კაცებისთვის - ეს არის საკითხი, რამაც ყველა აქ მოგვიყვანა. ეს არის, რაც ამდიდრებს ჩვენს საზოგადებას და კიდევ უფრო უსაფრთხოს ხდის მას. ეს არის განვითარების, მშვიდობის და უსაფრთხოები საკითხი, ეს არ არის მარტო პრინციპების დონეზე. როცა ქალი ძლიერია, ძალიან ბევრ დადებით შედეგს ღებულობს ამით საზოგადოება. როდესაც ქალი აღიარებულია მოქალაქედ, საზოგადოების სრულფასოვან წევრად, მთლიანი საზოგადოება უფრო სტაბილურია და დემოკრატიაც უფრო ძლიერდება. ეს არის ჩვენი საზოგადოების, ინსტიტუციების, ჩვენი სახელმწიფოების მდგრადობის ნაწილი. ამისათვის ევროკავშირი მუშაობს ქალთა და გოგონათა უფლებებზე, როგორც მის მთავარ მიზნებზე. არ არსებობს მდგრადი განვითარება თუ არ არის გენდერული თანასწორობა. ჩვენ ვიცით, რომ ჩვენი ჩართულობა უკვე დღევანდელ დღეს ცვლის ამინდს რეგიონში, ასევე მსოფლიოში, ქალთა მდგომარეობასთან დაკავშირებით. ქალთა გენდერული თანასწორობა ჩვენი პოლიტიკის მთავრი ამოცანაა. არის მომენტები, როდესაც ტერორისტული ორგანიზაციები მონებად აქცევს ქალებს ჩვენს მეზობლად. ეს იმიტომ ხდება, რომ ეშინიათ ძლიერი ქალების, ეშინიათ იმის, რომ გოგო სკოლას დაამთავრებს. მათ ეშინიათ ქალის ხმის, როდესაც, განსაკუთრებით ეს ხმა ხმამაღლა ჟღერს და როგორც წესი, ქალების ხმა ძალიან ხმამაღალია. აი ამ ხმის დაცვა და გაძლიერება არის პოლიტიკური და მორალური ვალდებულება და ეს არის ასევე ძლიერი ინვესტიცია ჩვენი ქვეყნების უსაფრთხოებისთვის," - განაცხადა ფედერიკა მოგერინიმ.