„ნაციონალური მოძრაობის“ წევრი გიორგი ვაშაძე საგანგაშოს უწოდებს ფაქტს, რომ საქართველოს ტერიტორიებს ნათლავენ, როგორც რუსეთს.

ამის შესახებ დეპუტატმა MTC-ის სკანდალური სარეკლამო კლიპზე საუბრისას განაცხადა.

„ძალიან მაგარია, რომ ოკუპანტ ქვეყანაში ვერ მოძებნეს ვერაფერი და საქართველოს ახალ სიმბოლოებს თავისუფლების ხიდს, იუსტიციის სახლს, ახალ ქუჩებს აჩვენებენ მთელ რუსეთში. საგანგაშოა ის, რომ ამას ნათლავენ როგორც რუსეთს. ჩვენ ეს უნდა მივიტანოთ ეხლა რუსეთის მოსახლეობამდე, რომ ეს არის საქართველო, ეს არის ის თავისუფლება რისთვისაც ჩვენ ვიბრძვით და ეს არის სრულად ახალი, ევროპული სტანდარტის ქვეყანა,“ - განაცხადა გიორგი ვაშაძემ.