უმრავლესობის წევრს ანი მიროტაძეს MTC-ის სკანდალურ სარეკლამო კლიპის გადაღებასთან დაკავშირებით კითხვები აქვს.

დეპუტატი ინტერესდება, რამდენად იყო ნებადართული კლიპის გადაღება.

„მაინტერესებს, რამდენად იყო ეს ნებადართული, ჰქონდათ თუ არა რაიმე ეტაპზე საქართველოს ხელისუფლებასთან ურთიერთობა და გაიცა თუ არა ნებართვა და თუ არ გაიცა ნებართვა, რამდენად სწრაფად აპირებს საქართველოს ხელისუფლება მოსთხოვოს ამ საკითხთან დაკავშირებით პასუხი. თუ ნებართვა საჭირო არ იყო, მაშინ ესეც უნდა ვიცოდეთ“, - განაცხადა მიროტაძემ.

მიუხედავად იმისა, რომ MTC საქართველოში არ მოღვაწეობს, კლიპი თბილისშია გადაღებული, მასზე ჩანს თბილისის იუსტიციის სახლი, აღმაშენებლის გამზირი, ე.წ შუშის ხიდი, თავისუფლების მეტრო და ვაკის პარკი.

კლიპში არ არის მითითებული, რომ კადრები საქართველოში, თბილისშია გადაღებული.