"ამ მოსამართლეებს მჭიდრო ურთიერთობა ჰქონდა გვარამიასთან, ეჭვი გვაქვს მიკერძოებულები იქნებიან"

პოლიტიკა - 17:16, 09 Nov, 2015

1389

ვახტანგ ხმალაძის თქმით, საპარლამენტო უმრავლესობა იზიარებს პარლამენტის პოზიციას, რომ "რუსთავი2"-ის საქმეზე საკონსტიტუციო სასამართლოს მოსამართლეების აცილება უნდა მოხდეს. პარლამენტის მოთხოვნა მოსამართლეების აცილებასთან დაკავშირებით სწორედ ხმალაძის კომიტეტმა შეიმუშავა.

„შეგვექმნა საფუძვლიანი ეჭვი კოლეგიის თავმჯდომარის ბატონი ვარძელაშვილის და კოლეგიის წევრის ქალბატონი კოპალეიშვილის არაობიექტურობისა და მიკერძოებულობის გამო. არის კიდევ პიროვნული ურთიერთობები, როდესაც ამ ორ მოსამართლეს ძალიან მჭიდრო ურთიერთობა ჰქონდა ნიკა გვარამიასთან. ერთი-ერთი მათგანი იყო გვარამიას მოადგილე, როდესაც ის გახლდათ იუსტიციის მინისტრი, შემდგომ იყო მისი მოადგილე, როდესაც გვარამია გახლდათ განათლების მინისტრი.... ისინი იყვნენ ერთი და იგივე გუნდის წევრი. შესაძლოა მოთხოვნა ამანაც განაპირობა“, - აღნიშნა ხმალაძემ.

თანაგუნდელს ეთანხმება ზურაბ ტყემალაძე და ამბობს, რომ პარლამენტის განცხადებაში გარკვევით წერია მოთხოვნის საფუძველი.

„დაწერილია გამართულად და კონკრეტულად. ყველაფერს ვეთანხმები რაც წერია განცხადებაში“, - განაცხადა ტყემალაძემ.