სახალხო დამცველის თქმით, „რუსთავი 2“-ის საქმეზე გარკვეული კითხვები ასრულებს. ამის შესახებ უჩა ნანუაშვილმა ჟურნალისტებთან საუბრისას განაცხადა და მედიის დამოუკიდებლობის აუცილებლობას გაუსვა ხაზი.

ომბუდსმენმა მოუწოდა ხელისუფლებას, ყველაფერი გააკეთოს იმისთვის, რომ პროცესი მალე დასრულდეს.

"ამ უკანასკნელმა საქმემ გარკვეული კითხვები წარმოშვა, ჩვენთვის მნიშვნელოვანია, რომ მედიის დამოუკიდებლობა, ამ შემთხვევაში რუსთავი 2-ზე მაქვს საუბარი, გარანტირებული იყოს. ხელისუფლებამ ყველა ნაბიჯი უნდა გადადგას იმისთვის, რომ ეს პროცესი რაც შეიძლება მალე დასრულდეს, არანაირი კითხვის ნიშანი იმ პროცესზე არ დარჩეს, რომელმაც კითხვის ნიშნები უკვე წარმოშვა. სხვა საქმეებთან დაკავშირებით მე არ მაქვს ინფორმაცია, რომ მედიის სფეროში რაიმე სერიოზული პრობლემა არსებობს", - განაცხადა უჩა ნანუაშვილმა.