საგარეო საქმეთა ყოფილი მინისტრი თამარ ბერუჩაშვილი საპარტნიორო ფონდში გააგრძელებს მუშაობას. ამის შესახებ ფონდის ხელმძრვანელმა დავით საგანელიძემ განაცხადა.

მისი თქმით, შეიქმნა უცხოურ საფინანსო ინსტიტუტებთან ურთიერთობის სამუშაო ჯგუფი, რომელიც ფონდის რეფორმირებაზე იმუშავებს. როგორს საგანელიძემ განმარტა, სწორედ ამ ჯგუფის წევრი იქნება ექსმინისტრი.

„ჯგუფის წევრები ასევე იქნებიან მირიან გოგიაშვილი, რომელიც 8 წელი მსოფლიო ბანკის თანამშრომელი და მერაბ კაკულია, რომელსაც წლების განმავლობაში ბანკის ვიცე-პრეზიდენტის თანამდებობა ეკავა და ამ დარგის ერთ-ერთ საუკეთესო ექსპერტად ითვლება. საპარტნიორო ფონდმა ჯგუფის წევრებს სამთვიანი კონტრაქტი გაუფორმა“, - ამბობს საგანელიძე.

შეგახსენებთ, საგარეო საქმეთა მინისტრის პოსტიდან თამარ ბერუჩაშვილი რამდენიმე დღის წინ გადააყენეს. მისი ადგილი გიორგი კვირიკაშვილმა დაიკავა.