უმრავლესობის წევრი თამაზ მეჭიაური არ იზიარებს პრეზიდენტის განცხადებას, რომ მმართველმა გუნდმა არადიპლომაიური განცხადებებისგან თავი უნდა შეიკაოს.

როგორც დეპუტატი ამბობს, გიორგი მარგველაშვილმა განცხადებების გამო განმარტება არა მმართველ გუნდს, არამედ თავად დიპლომატებს უნდა მოსთხოვოს.

„განმარტების მოთხოვნა არა დიპლომატიურობას სულაც არ ნიშნავს. პირიქით მან განმარტება ელჩებს უნდა მოსთხოვოს, თუ რის საფუძველზე აკეთებდნენ ისეთ განცხადებებს, რომელიც ჩარევა იყო ქვეყნის საშინაო საქმეებში. თუ ვინმეს განცხადებებში ნიშნებს დაინახავს, რომ ვინმე ზომაზე მეტად ერევა ჩვენს საშინაო საქმეებში, ის პირველი უნდა იღებდეს განმარტებებს და თუ მისათითებელია თვითონ უნდა უთითებდეს. ის ჩვენი კლასის დამრიგებელი არ არის, რომ ასე ჩვენს განმარტებებს დიპლომატიური ან არადიპლომატიური უწოდოს", - აცხადებს თამაზ მეჭიაური.