რუსთავი 2-ის საქმეს ეუთოსა და ევროსაბჭოს საპარლამენტო ასამბლეის წარმომადგენლები ეხმაურებიან

პოლიტიკა - 12:43, 07 Nov, 2015

1621

რუსთავი 2-თან დაკავშირებით განცხადებები გაავრცელეეს ევროსაბჭოს საპარლამენტო ასამბლისა და ეუთოს წარმომადგენლებმაც.

„ამ გადაწყვეტილების თანახმად არსებითად იცვლება ტელეკომპანიის სარედაქციო პოლიტიკა. მაშინ როდესაც სააპელაციო პროცესი ჯერ კიდევ გრძელდება. ეს არასწორ და უარყოფით გავლენას ახდენს საქართველოში მედიაგარემოს პლურალიზმზე. ჩვენ არ გვსურს სასამართლოს გადაწყვეტიელების დავის არსზე განხილვაში შესვლა, მაგრამ ყოველთვის აღვნიშნავდით, რომ პლურალიზმი ქართულ მედიაგარემოში დაცული უნდა იყოს. უფრო მეტიც, თბილისის სასამართლოს ეს განჩინება სულ მცირე ეწინააღმდეგება საკონსტიტუციო სასამართლოს მიერ მიღებული გადაწყვეტილებების სულისკვეთებას, სამოქალაქო საქმეებთან დაკავშირებით დაუყოვნებლივი აღსრულების შეჩერების შესახებ, ვიდრე სააპელაციო პროცესი მიმდინარეობს. ჩვენ ღრმად შეშფოთებულები ვართ ამ გადაწყვეტილების შედეგებისა და იმ კითხვების გამო, რომელიც სამართლებრივ პროცესთან დაკავშირებით ჩნდება“ - ნათქვამია ევროსაბჭოს საპარლამენტო ასამბლეის განცხადებაში.

„სარედაქციო გადაწყვეტილებები უნდა მიიღონ ნიუს-რუმში და არა სასამართლო დარბაზებში. სასამართლოს მცდელობა არასწორი და უკანონო გავლენა მოახდინოს მედიასაშუალებების სარედაქციო პოლიტიკაზე, არაფერია თუ არა კანონის უზენაესობიისა და საზოგადოებაში დემოკრატიული საფუძლების ბოროტად გამოყენება.

მოვუწოდებთ სასამართლოს, სრულად სცეს პატივი რუსთავი 2-ის სარედაქციო დამოუკიდებლობის უფლებას“ - ნათქვამია ეუთოს განცხადებაში.