მოსამართლე თამაზ ურთმელიძეს დღეს იუსტიციის უმაღლეს საბჭოში ელოდებიან. ამის შესახებ უზენაესი სასამართლოს თავმჯდომარემ ნინო გვენეტაძემ განაცხადა.

მისი თქმით, „რუსთავი 2“-ის საქმეზე მიმდინარე პროცესებთან დაკავშირებით ურთმელიძისგან ყველა იმ კითხვაზე მოისმენს პასუხს, რომელიც ბოლო პერიოდში საზოგადოებაში გაჩნდა. გვენეტაძე იმედოვნებს, რომ მოსამართლე იუსტიციის საბჭოში მივა.

„შევეცდებით, რომ როგორც საზოგადოებას მივაწოდოთ მნიშვნელოვანი ინფორმაცია პროცესის ორგანიზაციული და სხვა მიმართულებების მხრივ და ასევე, უზრუნველვყოთ მოსამართლის მაღალი ინდივიდუალური დამოუკიდებლობის გარანტიები ამ პროცესში," - განმარტა გვენეტაძემ.