იუსტიციის მინისტრის თეა წულუკიანის თქმით, საქართველოში დასრულდა ის დრო, როდესაც მოსამართლეებს განაჩენს ხელისუფლების წარმომადგენლები უწერდნენ.

როგორც მინისტრმა ჟურნალისტებთან საუბრისას განაცხადა, ურთმელიძეც, ისევე როგორც სხვა მოსამართლეები გადაწყვეტილებაში არიან თავისუფალი და ვერავინ იტყვის, რომ მათ მითითებებს იუსტიციის მინისტრი აძლევს.

„ნიკა გვარამია „ნაციონალური მოძრაობის“ გენპროკურორის მოადგილე, „ნაციონალური მოძრაობის“ იუსტიციის მინისტრი და „ნაციონალური მოძრაობის“ განათლების მინისტრი, რომელიც უკვე ბევრი დროა თავს ყიდის დამოუკიდებელ მედია ხელმძღვანელად - ჩარჩენილია ძველ დროში და მას მუდმივად ახსენდება ის დრო, როდესაც თავად და ადეიშვილი წერდა მოსამართლის, მათ შორის მაგალითად გიორგი ჩემიას განაჩენებს გირგვლიანის საქმეზე. ეს ხანა დასრულდა 3 წლის წინ. ურთმელიძე, როგორც ყველა მოსამართლე არის დამოუკიდებელი და ვერცერთი მოსამართლე ვერ იტყვის, რომ მათ იუსტიციის მინისტრმა რაიმე ტიპის მითითება მისცა. მართლაც მეხერხება განაჩენების წერა, მე რომ ურთმელიძე ვყოფილიყავი, კიდევ უფრო კარგ გადაწყვეტილებას დავწერდი, მაგრამ არც გადაწყვეტილება არ გამოიყურება ცუდად“, - აღნიშნა წულუკიანმა.