"მეც ღამე დამაპატიმრეს"- ლევან ბერძენიშვილი ურთმელიძის ღამის განაჩენზე

პოლიტიკა - 13:41, 06 Nov, 2015

3682

კოალიცია "ქართული ოცნების" წევრი ლევან ბერძენიშვილი ამბობს, რომ ”რუსთავი 2”-ის შენობასთან ბარიკადების აღმართვა არ არის ევროპისკენ მიმავალი გზა".

მისი თქმით, ევროანტანტიკურ სივრცისკენ მიმავალი გზა არის სამართლებრივი გზებით ბრძოლა.

"მოსამართლის გადაწყვეტლებას პარლამენტის წევრის აზრი ვერ უშველის. ეს უბრალოდ აკრძალული აქვს პარლამენტის წევრს. ეს იურისტებმა უნდა შეისწავლონ. ჩემთვის ძნელი სათქმელია, მოსამართლის გადაწყვეტილება მომწონს თუ არ მომწონს. პარლამენტის წევრებს ამის უფლება არ გვაქვს. თუ გასაჩივრება შეიძლება, უნდა გასაჩივრდეს, გუშინდელ დღემდე მდგომარეობით უფრო კმაყოფილი ვიყავი, იმიტომ რომ საკონსტიტუციო სასამართლომ მოგვცა საშუალება მთლიანად დავრჩენილიყავით საკანონმდებლო სფეროში, ახლა ამ გადაწყვეტილების შემდეგ ისევ უნდა მოიძებნოს კანონიერი გზები, თუ ვინმეს რამე არ მოსწონს გაპროტესტდეს და გასაჩივრდეს. ყველა მცდელობა, რომ გავიდეს კანონის სფეროდან და კანონებს არ დავემორჩილოთ, არის მიუღებელი, ნებისმიერი მხრიდან, საიდანაც არ უნდა მოდიოდეს. თუ კანონიერი არის მოსამართლის გადაწყვეტილება, ის კანონი უნდა გაასაჩივრონ საკონსტიტუციო სასამართლოში, როგორც აპირებენ”, - განაცხადა ლევან ბერძენიშვილმა.

მისი თქმით, თემა პოლიტიზებულია, თუმცა კანონი უნდა აღსრულდეს ვისაც არ უნდა მოსწონდეს მოსამარტლის გადაწყვეტლება.

”პოლიტიზებული როგორ არ არის. ხალხი რევოლუციის მოწყობას აპირებდა. ავტომატებით უნდა დახვედროდენ... ყველამ უნდა იცოდეს, რომ კანონი უნდა აღსრულდეს. მეც არ მომწონდა საბჭოთა კავშირი, მაგრამ დამაპატიმრეს"- უთხრა ჟურნალისტებს მან.

"რუსთავი 2" - ის კორრესპოდენტი ასევე დაინტერესდა აჩენს თუ არა მოსამართლე ურთმელიძის მიერ ღამით მიღებული გადაწყვეტილება კითხვის ნიშნებს. რაზეც დეპუტატმა თქვა, რომ "ისიც ღამით დააპატიმრეს".

"ვინ ამბობს, რომ არ აჩენს კითხვის ნიშნებს? მე თვითონ ღამე ვარ დაპატიმრებული, მაგის მეტი რა მინახავს. ღამე მიღებული გადაწყვეტილებით კანონი დაირღვა? ვინმეს კანონი თუ არ მოსწონს იმისთვის ვართ აქ, რომ შევცვალოთ კანონები. თუ კანონიერია გადაწყვეტლება, მაშინ უნდა წავიდეს ბრძოლა ამ კანონის გაუქმებისაკენ. მთავარია უკანონობა არ იყოს მოწოდებული რომელიმე მხრიდან”, - ამბობს ლევან ბერძენიშვილი.