"ჩვენ არ გვჭირდება კონტროლირებადი მოსამართლეები" - დავით ბერძენიშვილი ურთმელიძის განჩინებაზე

პოლიტიკა - 12:21, 06 Nov, 2015

2537

საპარლამენტო უმრავლესობის ერთ-ერთი ლიდერის, დავით ბერძენიშვილის განცხადებით, მას არც მოსამართლე ურთმელიძის გადაწყვეტილება და არც საკონსტიტუციო სასამართლოს გადაწყვეტილება მოსწონს.

“ღამღამობით მიღებული გადაწყვეტილებები არის მოულოდნელი. საკონსტიტუციო სასამართლოს მიერ მიღებული გადაწყვეტილებაც, ასევე დამალული, როცა პარლამენტი იყო მხარე და პარლამენტის წარმომადგენელი არ დაასწრეს, დაუმალეს და ა.შ. იყო მოულოდნელი ჩვენთვის. ურთმელიძის გადაწყვეტილებაც იყო მოულოდნელი. არც ერთი გადაწყვეტილება მომწონს და არც მეორე, არც ერთის შემკვეთი მიმაჩნია, თუ ასეთები არის და ალბათ ვიღაც-ვიღაცები არის ძველი თუ ახალი ხელისუფლებიდან, არც ერთი არ მიმაჩნია საკმარისად იმისთვის, რომ ასეთი საპასუხისმგებლო გადაწყვეტილება მიიღოს ” - აღნიშნა თემის კომენტირებისას ბერძენიშვილმა.

ფრაქციის ლიდერი ასევე ამბობს, რომ "ხელისუფლებას ურთმელიძისეული დათვური სამსახური არ სჭირდება".
"რესპუბლიკური პარტია" ამ პროცესებს კატეგორიულად ემიჯნება. ღამით მიღებული გადაწყვეტილებები ძალიან ცუდ ასოციაციებს იწვევს. მოვუწოდებ როგორც საკონსტიტუციო, ისე საქალაქო სასამართლოს, პოლიტიზირებაში არ ჩაერთონ. ეს უნდა იყოს სამართლის საკითხი და არ უნდა იყოს ყოფილ და დღევანდელ ხელისუფლებას შორის ინსტრუმენტად გადანაწილების საკითხი.
დღესაც კი, როცა ხელისუფლების რეიტინგი არ არის ისეთი, რაც 2012 წელს იყო, ხელისუფლებას ასეთი ურთმელიძისეული დათვური სამსახური არ სჭირდება. როგორც ჩანს, ურთმელიძე, რომელიც თავის დროზე გვარამიამ დანიშნა, მაშინ გვარამიას კონტროლის ქვეშ იყო, ახლა ცდილობს დღევანდელი უფროსობის კონტროლის ქვეშ იყოს. ჩვენ კონტროლირებადი მოსამართლეები არ გვჭირდება არც საკონსტიტუციო სასამართლოში, რომელიც ძველი ხელისუფლების კონტროლის ქვეშ არის და არც საერთო სასამართლოებში"-განმარტა მან.