„რედისონში“ მიმდინარე პრესკონფერენციაზე „რუსთავი 2“-ის ჟურნალისტმა თამარ ბაღაშვილმა დავით დვალს მისი განცხადება გაახსენა, სადაც ამბობს, რომ მას ტელეკომპანია ქიბარ ხალვაშმა წაართვა.

დვალის თქმით, მსგავსი არაფერი უთქვამს. ტელეკომპანიის დამფუძვნებლის განცხადებით, „რუსთავი 2“ მათ მიხეილ სააკაშვილმა წაართვა.

თამარ ბაღაშვილი - წლების განმავლობაში ჩვენ გვესმოდა, რომ თქვენი უფლებები შეილახა და ამის უკან იდგა ქიბარ ხალვაში...

დავით დვალი - არასოდეს არ ყოფილა მსგავსი რამ.

თამა ბაღაშვილი - ხომ ამბობდით, რომ ტელევიზია წაგართვეს?

დავით დვალი - დღესაც ვამბობ მაგას

თამარ ბაღაშვილი - ვინ შეიძინა ეს ტელევიზია?

დავით დვალი - თამარ კარსანიძემ

თამარ ბაღაშვილი - ვინ იდგა მის უკან? თქვენი სიტყვებია, რომ ხალვაში. როდის დამეგობრდით?

ქიბარ ხალვაში - ჩვენ არასოდეს არ გვიომია. დვალს წარათვა ტელევიზია სააკაშვილმა და შემდეგ მე წამართვა.

თამარ ბაღაშვილი - თქვენ როგორ გადაიფორმეთ ეს ტელევიზია? ფულიც გადახდილი გაქვთ...

ქიბარ ხალვაში - კი არ გადავიფორმე, მე ვიყიდე... აგერ დვალი, ჰკითხეთ ჩემგან არის უკმაყოფილო თუ მიშა სააკაშვილისგან.

თამარ ბაღაშვილი - ბატონი დვალი ამბობს, რომ "კარსანიძე მოვიდა შლოპანცებით"... ამის შემდეგ ნოტარიუსთან მოვიდა ქიბარ ხალვაში და აღმოჩნდა, რომ ის ყიდულობდა ტელეკომპანიასო... თქვენი სიტყვებია

დავით დვალი - არ ყოფილა ასე. იქნებ მივმართოთ პროკურატურას, გაასაჯაროვოს ის ინფორმაციები, რაც სამქეში დევს.. აღმოაჩენთ, რომ ის პირები ვინც ოდესიდან გეგმებს აგზავნიან ამ პროცესის მთავარი გმირები არიან.