„რუსთავი 2“-ის დამფუძვნებელის ჯარჯი აქიმიძის თქმით, ქიბარ ხალვაშთან და დავით დვალთთან ტელეკომპანიის მომავალ მუშაობასთან დაკავშირებით სამ პუნქტიანი შეთანხმება გაფორმდა.

შეთანხმების დეტალები ჟურნალისტებს აქიმიძემ საგანგებო ბრიფინგზე გააცნო.

აქიმიძის თქმით, სამივე თანხმდება, რომ ტელეკომპანია უნდა იყოს მიუკორძოებელი და მან არ უნდა მიიღოს დაფინანსება არც ერთი პოლიტიკური პარტიისგან.

„ბატონ ქიბართან შევთანხმდით სამ პუნქტზე. პირველი პუნქტი არის, რომ ტელევიზია ემიჯნება ნებისმიერ პოლიტიკურ ძალას, როგორც ოპოზიციურს, ისე სახელისუფლოს. მის სარედაქციო საქმიანობას წარმართავს ზოგადსაკაცობრიო და დემოკრატიული ფასეულობების შესაბამისად. დღეს ჩვენი აზრით „რუსთავი 2“ არ არის პოლიტიკური ძალისგან გათავისუფლებული. დრეს ის „ნაციონალური მოძრაობის“ და მიხეილ საააშვილის საკუთრებში მყოფი ტელევიზიაა. ჩვენ გვინდა, რომ „რუსთავი 2“ არ იყოს არც მიხეილ სააკაშვილის და არც ბიძინა ივანიშვილის. ჩვენ გვინდა, რომ „რუსთავი 2“ იყოს ის მოდელი, რომელმაც შეიძლება გამოგვიყვანოს იმ მოჯადოებული წრიდან, რომელშიც ამდენი ხანია ვტრიალებთ. ისმის მოწოდებები, რომ თურმე ტელევიზიამ შეიძლება რევოლუცია მოახდინოს. ერთხელ უკვე მოახდინა ტელევიზიამ რევოლუცია და ვნახეთ შედეგი, ამიტომ აღარ გვინდა რევოლუციები. მეორე, ტელევიზია არასოდეს გახდება მხარე პოლიტიკური პროცესების მიმდინარეობისას, იქნება ობიექტური და კრიტიკული საინფორმაციო პოლიტიკა. იქნება ანალიტიკური და საგამოძიებო ჟურნალისტიკა წარმოდგენილი. ჩვენ გვინდა ჩვენი მომავალი ტელევიზია იყოს კრიტიკული. ამის გარეშე დემოკრატიული ქვეყანა ვერ იარსებებს. მესამე, ტელეკომპანია არ დაფინანსდება საბიუჯეტო სახსრებით, პარტიული შემოწირულობებით და პოლიტიკური დაკვეთით. არ იგულისხმება ფასიანი პოლიტიკური რეკლამა. ტელეკომპანია კომერციული შემოსავლებით იარსებებს. კარგად ვიცით რასაც ნიშნავს პოლიტიკური ფული. ამიტომ ერთადერთი სწორი გადაწყვეტილებაა, რომ თუ გვინდა დამოუკიდებლობა არც ერთი პარტიისგან არ ერთი თეთრი არ უნდა ავიღოთ“, - განაცხადა აქიმიძემ.