"რის ნაციონალური მოძრაობა ტოლი ნახეთ გირჩი გააგორეთ"

"რის ნაციონალური მოძრაობა ტოლი ნახეთ გირჩი გააგორეთ" - girchi.ge მფლობელის პასუხი ხაჩიძეს

სოც.მედია - 20:55, 05 Nov, 2015

6245

girchi.ge მფლობელი გიორგი ქართველიშვილი „ახალი პოლიტიკური ცენტრი - გირჩის“ წევრს გოგა ხაჩიძეს სოციალური ქსელით პასუხობს. „პასუხი გირჩელ გოგა ხაჩიძეს, მე გიორგი ქართველიშვილს მაქვს ინფორმაციული ტექნოლოგიების კომპანია ინტაიტი რომლითაც ვემსახურები ძალიან ბევრ ორგანიზაციას და მათ შორის ნაციონალურ მოძრაობასაც.

რაც შეეხება დომენის girchi.ge რეგისტრაციას დიახ მე დავარეგისტრირე და 15 ათას ლარად მივყიდი ნებისმიერ მსურველს, ეს იქნება პოლიტიკური პარტია თუ ფიზიკური პირი. გირჩის პრეზენტაციის შესახებ რომ გავიგე უბრალოდ შევამოწომე დომენი და აღმოჩნდა რომ თავისუფალი იყო, ამხელა ამბიციის მქონე პოლიტ-ორგანიზაცია რომელიც თვეებია ემზადება ასპარეზზე გამოსასვლელად და დომეინს ვერ დაირეგისტრირებს კიდე ჩემი ბრალია რამე ?! არაფერი პირადული, უბრალოდ ბიზნესი, თან ლეგალური.

ეს ჩემი ბიზნესია ბატონო გოგა, რა ნაციონალური მოძრაობა, რის ნაციონალური მოძრაობა ტოლი ნახეთ გირჩი გააგორეთ“, - წერს ქართველიშვილი.

ახალი პოლიტიკური ცენტრის-გირჩის ერთ-ერთი ლიდერის გოგა ხაჩიძის განცხადებით, მას შემდეგ რაც ცნობილი გახდა ორგანიზაციის სახელი, ნაციონალური მოძრაობის წარმომადგენლებმა ამავე სახელის დომეინი დაირეგისტრირეს. ხაჩიძის თქმით ის ამ ქმედების აზრს ვერ ხედავს და ენმ-ს მხრიდან მსგავსი საქციელი სასაცილოდ მიაჩნია.