,,ალიევი კომერციულ გაზს არ გულისხმობდა“ - კალაძის თქმით ალიევთან გაზპრომზე საუბრი არ ყოფილა

პოლიტიკა - 19:47, 05 Nov, 2015

2134

ენერგეტიკის მინისტრის კახა კალაძის განცხაებით, აზერბაიჯანის პრეზიდენტთან ავლაბრის რეზიდენციაში გამართულ შეხვედრაზე საუბარი არ ყოფილა "გაზპრომის" საკითხზე.

როგორც მინისტრმა თემის კომენტირებისას აღნიშნა, საუბარი იყო ენერგეტიკის მიმართულებით.

"საუბარი იყო იმ პროექტებზე, რომელსაც სოკარი ახორციელებს საქართველოში. განვიხილეთ მეორე ხაზის მშენებლობა. ჩვენ ბევრჯერ დავამტკიცეთ რომ საქართველო ევროპისთვის არის სანდო პარტნიორი. ჩვენ ყველა მნიშვნელოვან პროექტში მივიღებთ მონაწილეობას და ჩვენი მხრიდან მაქსიმუმს გავაკეთებთ , იმ პროექტის წარმატებით დასრულებისთვის რაც არის წამოწყებული" - აღნიშნა კალაძემ.

კითხვაზე დაისვა თუ არა აზერბაიჯანის მხრიდან კომერციული გაზის მოწმოდების შემოთავაზება შეხვედრისას მინისტრმა განაცხადა, რომ მსგავსი საკითხი არ დასმულა.

"ის მოლაპარაკეები, რომელსაც საქართველოს ხელისუფლება აწარმოებს გაზპრომთან მიმართებაში ხორციელდებოდა ყოველწლიურად. ეს ხდებოდა სააკაშვილის პრეზიდენტობის დროს და მანამდეც. ხორციელდება დღესაც და ალბათ მომავალშიც განხორციელდება"- აღნიშნა კალაძემ.

მინისტრს ალიევის იმ განცხადების კომენტირებაც სთხოვეს, რომლის მიხედვითაც აზერბაიჯანს საკმარისი გაზი გააჩნია, რომ ის მეზობელს და ევროპასაც მიაწოდოს.

კალაძის განცხადებით ალიევი კომერციულ გაზს არ გულისხმობდა.