ახალი პოლიტიკური ცენტრის-გირჩის ერთ-ერთი ლიდერის გოგა ხაჩიძის განცხადებით, მას შემდეგ რაც ცნობილი გახდა ორგანიზაციის სახელი, ნაციონალური მოძრაობის წარმომადგენლებმა ამავე სახელის დომეინი დაირეგისტრირეს. ხაჩიძის თქმით ის ამ ქმედების აზრს ვერ ხედავს და ენმ-ს მხრიდან მსგავსი საქციელი სასაცილოდ მიაჩნია:

„როგორც კი გაიგო საზოგადოებამ, რომ ჩვენ დავირქვით გირჩი, ნაციონალური მოძრაობის წარმომადგენლები გაიქცნენ კავკაზუსში და დომენი გირჩი.ჯი დაირეგისტრირეს თავისთავზე, რომ ჩვენ არ ავიღოთ. რა გინდათ? რამ გაგამწარათ? არც ერთიანი დავირქვით, არც ნაციონალური და არც მოძრაობა. დავირქვით გირჩი. რაში გჭირდებათ ეს გირჩი.ჯი? რა გირჩის უნახავებივით იქცევით? რა გჭირთ გამაგებინეთ“- აცხადებს გოგა ხაჩიძე.