"სასამართლოს შემადგენლობა სრულიად იქნება გახვეტილი" - ნათელაშვილის გაფრთხილება და სარჩელი

პოლიტიკა - 13:21, 05 Nov, 2015

1535

„ლეობორისტული პარტია“ ელექტროენერგიის ტარიფის ზრდასთან დაკავშირებით სემეკის გადაწვეტილებას გააპროტესტებს.

ამის შესახებ პარტიის ლიდერმა შალვა ნათელაშვილმა განაცხადა.

მისი თქმით, მიმდინარე პროცესების შესახებ პარტია საზოგადოებას ინფორმაციას მუდმივად მიაწვდის.

„2002 წლის 30 დეკემბერს "ლეიბორისტული პარტიის" სარჩელით საკონსტიტუციო სასამართლომ უმკაცრესი ვერდიქტი გამოიტანა და აკრძალა ელექტროენერგიის ტარიფის ზრდა მოსახლეობის სოციალური მდგომარეობის გათვალისწინების გარეშე. ეს გადაწყვეტილება კანონზე ზემდგომი ხასიათისაა. ყველა ნორმატიული აქტი რომელიც საკონსტიტუციო ორგანოს ნორმებს ეწინააღმდეგება ბათილად უნდა იყოს ცნობილი. იწყება ისტორიული პროცესი თბილისის საქალაქო სასამართლოში. სასამართლო იმედი გვაქვს იხელმძღვანელებს არა მილიონერი ივანიშვილის, მილიონერი კალაძის, არამედ იხელმძღვანელებს გაჭირვებული ხალხის ინტერესებით და ბოლოს მოუღებს ამ უკანონობას. თუ ქიბარ ხალვაშის სარჩელის განხილვა შეიძლებოდა უმოკლეს ვადებში რათა დაებრუნებინა „რუსთავი 2“, თანაც უკანონოდ, რატომ არ შეიძლებოდა ჩვენი სარჩელის განხილვა დასრულებულიყო, რატომ? ხალვაშს ის 3-4 მილიონი ქართველი რაც დავრჩით არ ვართ უფრო მნიშვნელოვნი, არ ვჯობივართ?

ვაფხრთხილებ სასამართლოს მთელი შემადგენლობას, 11 თვეში იქნება საპარლამენტო არჩევნები და ჩვენი პროგრამის მთავარი მიზანი იქნება, სასამართლოს შემადგენლობა სრულიად იქნეს გახვეტილი. ჩვენ სისტემატიურად საზოგადოებას პროცესის მიმდინარეობაზე ინფორმაციას მივაწვდით,"- განაცხადა შალვა ნათელაშვილმა.