საგარეო საქმეთა მინისტრი გიორგი კვირიკაშვილი მიიჩნევს, რომ აფხაზი ხალხის საქართველოს სახელმწიფოში რეინტეგრაციისთვის ხელისუფლებამ ყველაფერი უნდა გააკეთოს.

ამის შესახებ კვირიკაშვილმა მინისტრ პაატა ზაქარეიშვილის განცხადების საპასუხოდ განაცხადა, სადაც ზაქარეიშვილმა თქვა, რომ საქართველო მზადაა ფედერაციული მოწყობის საკითხი განიხილოს.

თუმცა როგორც კვირიკაშვილი ამბობს, აღნიშნულ საკითხზე სამთავრობო გუნდში ჩამოყალიბებული პოზიცია არ არსებობს.

"ამ საკითხზე ერთიანი პოზიცია ჩამოყალიბებული არ არის. თუმცა საზოგადოებამ უნდა ვიფიქროთ სხვადასხვა გზაზე, თუ როგორ მოვახდინოთ დანარჩენ საქართველოში აფხაზი ხალხის რეინტეგრაცია, აფხაზეთის რეინტეგრაცია და ამისთვის სხვადასხვა შესაძლებლობა უნდა განვიხილოთ," - განაცხადა გიორგი კვირიკაშვილმა.