"პანორამას" მოსულიშვილი დაამტკიცებს? - ვისი დავალებით გათავისუფლდა არქიტექტურის სამსახურის ყოფილი უფროსი

პოლიტიკა - 13:57, 04 Nov, 2015

3134

საკრებულოს „ნაციონალური მოძრაობის“ ფრაქციის ლიდერი - სევდია უგრეხელიძე დედაქალაქის მერიაში განხორციელებულ საკადრო ცვლილებებს აფასებს და ამბობს, რომ თბილისის მერიის განათლების, სპორტისა და ახალგაზრდულ საქმეთა საქალაქო სამსახურის უფროსის - გიორგი არეშიძის თანამდებობოიდან გათავისუფლება მისთვის მოულოდნელობა არ ყოფილა.

ენმ-ს წევრი ყურადღებას მერიის არქიტექტურის სამსახურის ხელმძღვანელის შეცვლის საკითხზე ამახვილებს და დარწმუნებულია, რომ მერიაში მიმდინარე პროცესები ბიძინა ივანიშვილის გადაწყვეტილია.
"ძალიან საგულისხმო ფაქტია არქიტექტურის სამსახურში განხორციელებული ცვლილება. ამ თანამდებობაზე პირადად ივანიშვილი ნიშნავს ხალხს, რომ მათ როგორმე, თუნდაც მხრებით გაიტანონ "პანორამას" პროექტი. მერიიაში მაღალ თანამდებობაზე დანიშვნაში აქტიურად მონაწილეობს "სუსიც",- უთხრა "ნიუპოსტს" სევდია უგრეხელიძემ.
„ნაციონალური მოძრაობის“ ფრაქციის ლიდერი არეშიძე-გიორგობიანის გათავისუფლების საკითხსაც გამოეხმაურა.
"კალაძის ოჯახის წევრის გასათავისუფლებლად ძალიან ბევრი მიზეზი აესებობდა და ეს არ იყო მხოლოდ დიპლომი, საუბრობდნენ კორუფციულ გარიგებებზე. ოლომპიური თანხები ძალინ დიდი რაოდენობით გავიდა... შესაბამისად ჩვენ ამ ახალგაზრდა ადამიანის გათვაისუფლებას ველოდით. ალბათ კალაძე სხვა სამსახურს მოუძებნის ამ უკანასკნელს. ფაქტი ის არის რომ არეშიძეზე არაკვალიფიციურებიც არიან მაღალ თანამდებობაზე დედაქალაქის მერიაში და ჯერ კიდევ დიდ ზიანს აყენებენ თბილისს. რაც შეეხება გიორგობიანის გათავისუფლებას ის ამ ეტაპზე ამოუცნობია, რადგან თბილისის მერი მისი მუშაობით კმაყოფილი იყო. თუ ნარმანიას ეგონა რომ გიორგობიანი მილიონ ხეს დაურგავდა ეს ხომ სასაცილოდ სულელურია?! ფაქტია, რომ ბატონი ბიძინა გიორგობიანის გათავისუფლებაში ივანიშვილის ხელი ურევია. ნარმანია არაფერს წყვეტს, ვინ წავა და ვინ მოვა ამას ხესიუფლების არაფორმალური მმართველი წყვეტს, ნარმანიას თითი გაუტკაცუნეს და მანაც გაათავისუფლა. ზოგადად მერიაში თანამშრომელები ელვის სისწრაფით იცვლებიან, რომ ველი გაუთავისუფლონ "ქართული ოცნების" ლიდერების დაუსაქმებელ ნათესავებს და ამხანაგ-მეგობრებს"- აღნიშნა უგრეხელიძემ.